錦壽築地 (Closed)

臨別秋波，總要嚟一嚟 #錦壽築地。叫咗芒果牛油果山藥壽司、右口魚群邊壽司同照燒豬扒拉麵 (粗麵)，話咁快嘢食就逐一送到。靚仔侍應好細心咁提我要食咗左口魚先，因為塊紫菜放耐咗會腍。我小心翼翼咁用紫菜包好成件壽司，然後一口將成件壽司放入口。哇！入口即溶！嗰種嘅魚油香味不停喺嗰口度下，久久不散，好好食呀！食完左口魚，侍郎隨即收起隻碟，跟住幫我將碟芒果壽司放喺我面前，示意進食嘅次序。果然，一啖咬入口即時成個口清新哂！芒果嘅酸味，青瓜同山藥嘅爽脆，配合牛油果嘅油脂感，，完全唔使點任何嘢，成件壽司就算無肉都仿彿有肉咁，唔食過係唔知有幾好食！剛好，將之前左口魚嘅油膩味道清除哂，正可以為下一道菜色作好味蕾嘅準備。最後輪到照燒豬扒拉麵。豬扒煎到脆卜卜，仲有陣炭燒味，而且好滑嫩。粗拉麵彈牙，配合筍條同爽口木耳，再加埋濃郁嘅湯底，好滿足！舖頭做到今個月尾就暫休喇，想食就要快手卜枱了！