上海弄堂菜肉餛飩 (Closed)

就快要飛日本喇~今日黎到銅鑼灣同朋友午餐, 搵到呢間食上海野既小店, 見到價錢都抵食就入左去了。午餐set抵食, 可以選一款小菜跟麵, 唔夠飽仲可以加酸辣湯/青瓜。我地叫左拍青瓜, 酸辣湯, 回鍋肉, 醉雞, 主食就叫了菜飯同擔擔麵一齊食。酸辣湯夠大碗亦開胃, 青瓜雖然睇落去麻麻, 但食落去好爽口! 回鍋肉同醉雞就比較普通, 而擔擔麵就幾好食, 應有既味都有, 如果花生味可以再多少少就滿分了! 叫lunch set仲有豆漿配埋, 不過就比較甜。到左1點午飯時間開始見到有外賣既人係出面排隊, 如果我地晏少少入黎應該連堂食都要等位, 就知呢度幾受打工仔歡迎。