稻八日式火鍋炸物放題 (Closed)

呢日尼到荃灣覓食，係千色匯附近見到呢間稻八既宣傳版，見到有火鍋放題仲有刺身同炸物任食，當然要試吓佢啦。餐廳門口一大幅既繪馬牆好震撼!餐廳面積好大，而呢日係平日所以都唔洗等位。湯底我地揀左沙嗲同豬骨湯，湯底好足料!醬料區已經擺好唔同醬料。隔離仲有沙律菜。自助配料選擇好多，菜/丸/麵類都擺得好整齊衛生。牛肉等級我地揀左$238 既牛小排雪花好均勻，有牛味。手切牛牛味仲更加濃，有咬口。另外仲有豬，羊，雞肉，牛白肉，牛肉粒，墨魚滑同蝦滑。仲有養顏花膠。豬肉同雞肉好嫩滑，羊肉始終有少少味。牛白肉切忌淥得耐，唔係會好韌。佢仲有唔同款式水餃可以叫架。我地個套餐仲可以任叫刺身，質素都好高。跟住尼到呢度獨有既自助炸物區，所有炸物食材已經事先吉好，揀選後可以自行沾上炸漿放係炸爐內炸一陣之後就可以加上調味粉就可以食啦。行過少少仲有咖哩同白飯。野飲方面選擇好多，要慢慢揀架雪糕櫃既雪條同雪米糍係任食。另外埋單後店員話每人有一杯雪糕，可以係reception 揀。基本上食物質素都好好，不過冷氣開到好大，越坐越凍。