金樂軒雞煲魚鍋

Open Now

Now Closed

天氣開始無甘熱，疫情開始放緩，當然要同朋友聚聚舊，今次就黎左朋友呢邊食雞煲加打邊爐，因為甘樣邊食邊傾計真係唔錯😌 講返呢間餐廳，我哋以前都有幫襯過，不過都有段時間了，但味道依舊不變，老闆都甘親切😌，真係好中意甘有人情味既餐廳。叫左唔辣既奇味雞煲，即使係唔辣都依然味道十足，份量足夠，雞件大，雞髀雞翼都有😋雞肉新鮮，不愧係我至愛😍打邊爐點可以少左食炸魚皮，魚皮脆卜卜，份量都係十足。桂花魚片，由於好怕魚有腥味，所以打邊爐好少會叫魚，但係呢種桂花魚就唔會有腥味同埋片好晒唔會有骨，就算少食魚同怕食魚既人都容易接受。自家製墨魚滑，份量大到嘩左一聲，新鮮不在話下仲好有口感，下次會再叫。仲有叫左貢丸，韭菜餃，油麥菜同埋出前一丁呢啲邊爐好拍檔😌😌最後，值得一提嘅係自家製竹蔗茅根，唔甜，清涼甘香，基本上嚟呢度都會叫。