探花 (Closed)

平日星期6，日與父母飲茶，或者食點心店，但比較少食高級點心，餐廳環境好舒服，每枱之間空間好足夠，講野大聲少少都唔驚。今日食既點心好多都與「紅」有關，與紅米紅蝦結下不解之緣，紅米腸粉，西班牙紅蝦水晶餃、紅蝦多士。紅蝦多士以前茶餐廳多有蝦多士這個點心，而家茶樓已經唔多見，紅蝦多士，成隻大蝦放上去，唔只單單係蝦膠，可以算是超足料個汁更加特別，用蕃茄，蝦殼，白蘭地做成既醬汁，汁充滿蝦精華，令多士更重蝦味。紅米腸粉紅米水浸既腸粉皮，入面包左米紙，再加蝦膠係裡面，夾有少量蛋黃，其實好有層次，一層又一層唔同口感。腸粉皮滑，蝦膠彈牙，再用少量蛋黃做多層口感同味道。西班牙紅蝦水晶餃紅色既蝦餃，顏色奪目，其實味道幾好。隔離更配有原隻西班牙紅蝦，食得好滋味。鳳梨櫻花蝦炒飯繼續同紅色結下不解之緣，紅紅既飯，裡面有蛋白，鳳梨、櫻花蝦。夏日炎炎，鳳梨真係好岩食架。又消暑，又醒胃。煙燻素鵝蘋果木做出煙燻味，即使係中間，素鵝裡面，一樣有重重煙燻味，裡面係蘿蔔，等等。睇得出刀工手工，料唔會掉出來。係外層腐皮，都可以切得咁靚。鮑魚撻一見到兩隻鮑魚，即刻開心曬，兩隻鮑魚金箔下有啲雜菜同埋蘑菇同埋即叫即焗，味道好唔錯，好奢華