咖啡灣 (荃灣千色匯) (Closed)

難得約舊同學飯聚，所以揀左呢間旺中帶靜嘅CAFE黎慢慢吹水傾偈。本身係約左八點食嘅，但大家都早到左而且見都要排兩三枱先食得所以即刻攞位，以免等太耐。一入到去見食客大多係少女，頓覺自己都後生左幾十年。要讚下呢度嘅餐牌，差不多全部都有圖片以供參考，唔使估估下自己個order係點的。而且出黎嘅成品同圖片相似度好高！而以下就係我地看圖點餐嘅食物：原隻軟殻蟹黑松露意粉。真係原隻上架！仲要炸得啱啱好，香脆，乾身之餘食落無咩油炸味。而忌廉松露醬好香，調味平衡。因為個醬汁份量啱啱好，食晒個意粉之後都無多餘嘅汁或油留係盤子上。我地嗰隻仲要幾多蟹膏添！鵝肝和牛巨人漢堡。牛肉整得好juicy，唔知係咪有剁埋啲牛筋同洋蔥入去，所以食落幾有咬口。配上塊入回即溶嘅香煎鵝肝，口感好豐富。佢嘅鵝肝應該有用照燒鰻魚汁去煎的，因為個味好似同埋好鐘意呢度嘅連皮薯條，薯味重又夠粉腍。可以多返幾條就好了。綠茶鮮奶。完全係俾佢個外型吸引的。但估唔到味道都唔錯啵，綠茶泡沫夠濃，內裡嘅牛奶少少甜，攪勻之後個味道啱啱好。檸檬藍蝶花梳打。呢杯外型吸引之餘，仲有得玩，加入瓶檸檬糖漿之後，睇住杯梳打慢慢由藍轉紫，都係幾治癒的。飲落清新酸甜。