Deer Kitchen (Moved) New Location

到巧明街，今次選了Deer kitchen ，裝潢有風格，用了不同的 "鹿"  做擺設及掛畫，座位闊落，氣氛不錯，帶點溫馨感覺。看見餐牌，有Dinner set Menu ,也有A lar carte ，叫了一套餐，包前菜, 湯, 主菜, 甜品及飲品.   再散點了一個Pizza。先來前菜，選了平時唔會放在前菜項的美式焗蟹餅，成粒都充滿蟹肉，夠鮮味。餐湯有蘑菇忌廉湯，有蘑菇碎有口感，還可蘸黑醋的自家製麵包一齊食。  主菜係法式慢煮油封鴨併盤$298 /Set ，有三個部位，面層有吸引的香煎鴨肝，好有油香味，外脆內腍，主角當然係鴨肶，一大隻，肉質嫩滑，另一塊係厚切的鴨胸，唔會太油膩，味道夠鮮甜，鴨肉鮮味特出，旁邊還有不同配菜，脆肉瓜，沙律菜，還有一帶舊紫薯，香甜。散叫了個和風牛油果燒雞Pizza$138 ,面有章魚乾，雞肉夠嫩滑，最吸引係餅底，超薄，脆卜卜的，薄到可包住食。甜品：木糠布甸，奶味香甜，忌廉軟滑不會太甜。餐飲都有好多選擇，叫了水果茶，選了百香果同西柚，清甜，還有新鮮生果火龍果同橙。