倫敦大酒樓

Open Now

Now Closed

香港舊式茶樓已經冇乜邊幾間，平時飲開大集團嘅酒樓今次試吓舊式茶樓。呢個鳳爪排骨飯雖然就貴少少，不過的確足料，鳳爪同排骨雖然係冰鮮但係唔會有太勁既雪藏味，叫一碗都夠兩個人食！煎炸野梗係唔少得，而我最鍾意嘅就係香煎粟米蝦餅同埋鹹水角，因為呢間倫敦大酒樓同連鎖酒樓唔同，係拎住張咭仔去拎嘢食，煎炸食品即叫即製，保證香脆可口，不過就個人覺得太多油，同埋人多嘅時候拎點心都比較混亂叉燒包就麻麻地，唔知點解食到入邊有浸怪味必食燒賣！熱烈推薦呢個燒賣，真係好好食收費其實唔算特別平，不過勝在自己搵位，一坐低就即刻有得食唔駛等侍應落單，全部自助式，而且供應充足，乜都唔使等！啱晒生活急促的香港人