富士山55 (拉麵沾麵專門店) (Closed)

沾麵一向係我食日本麵既首選。自己無沾不歡，喜歡將麵放入濃湯再食既感覺。周不時出沒銅鑼灣既我，偶爾都會行經伊榮街，總會留意呢間餐廳門外既poster，睇下呢期有咩推。今次就正正比呢張poster吸引住 - 一堆海膽放在沾麵上。既愛海膽又愛沾麵既我，當然盡快搵時間去試下！晚上七點嚟到，已經開始要等位，雖然鋪頭細細，但咁先有日本麵店既味道。熟悉既樽，叫枝波子汽水$18先。今日指定動作係食海膽沾麵，已經完全唔駛諗。海膽沾麵 $188海膽沾麵雖然價錢唔平，但海膽既份量真係值回票價。平時食到既海膽麵，海膽丼，海膽既份量真係少得可憐，而眼前海膽沾麵既海膽係令人驚喜既份量。打個譬如，就係A cup女友和C cup女友的分別，我相信明眼人一睇已經分到。由於避免海膽被沾麵既湯沖淡或沖散，我就先處理沾麵部分，食既時候再夾起海膽一齊食。沾麵既湯夠濃(連湯本身都放左少少海膽)，味道突出，配番清甜而入口即溶既海膽，剛柔並重，感覺就好似楊過配小龍女，金庸粉應該會明。最後食晒海膽沾麵，我選擇左加埋日式芝士雜坎$20。如果話海膽同沾麵係楊過同小龍女，咁日式芝士雜坎一定係雕兄，加埋神雕，《神雕俠侶》先可以成事。呢個飯用左