Lilium

Open Now

Now Closed

得到好友兩肋插刀，所以今日請她食下午茶。店子環境整齊企理，單人座前有一行大窗，望住出面嘅綠葉，好舒服。我跟朋友坐在長梳化座，都好舒適。有早餐、全日午餐、下午茶、小食和飲品選擇，價格經濟實惠。點咗全日午餐嘅鯛魚滷肉轉新竹米粉（$78），幾有份量！新竹米粉好爽滑，伴半肥瘦嘅滷肉食，味道鹹香。鯛魚都幾入味，啖啖肉，不錯！另有兩條清爽嘅棠生菜和半隻靚仔嘅溏心蛋，足料！套餐可追加小食，肉燥伴A菜（+$19）係翠綠嘅油麥菜配鹹香少辣嘅肉燥，好夾！肉燥好好味，夠入味！朋友好想食邪惡嘅西多士，要咗份紫薯醬西多士（$30）。全件金金黃黃，加埋糖醬和牛油，好香。多士有蛋香，外微脆內軟熟，一切開就見到滿滿紫薯醬，香甜幼滑，得！再點份小食，兩條貴妃雞卷($48) 以香酥嘅薄皮捲住嫩滑雞肉，啖啖肉，滋味！所有特飲都售罄，嗚….只好要杯濃郁嘅檸檬茶（$0/跟餐），解下膩！朋友就要杯冬瓜茶（$0/跟餐），微甜順喉。