Chatterbox Café (AIRSIDE)

Open Now

Now Closed

自從試過呢間餐廳的海南雞飯同埋肉骨茶之後，已經覺得好食。自己的性格食慣左就一直食同一款，今次下定決心試試新菜式！都真係無失望喎！上次已經想試，今次真係叫呢個「星洲海鮮炒貴刁」（$128），有2粒大大粒又厚身的帶子，仲有2隻大鮮蝦！食落去個炒貴刁味道咸咸甜甜的，有d似豉油王的味道，但加少少甜味，貴刁的質感好似河粉，但較厚身同粗少少，所以食落口感會豐富d，再加上佢用臘腸、蛋、蔥等炒，令到個味道更多層次。另外決定試下個咖喱豬肋骨煲配白飯及香脆簿餅（$142），個咖喱值得一讚，好惹味，可以送到幾碗飯，除左豬肋骨之外，佢的配菜有薯仔、茄子同埋秋葵，好入味，另外配塊簿餅，好適合配咖喱，劃龍點睛。