Ocio (積存街) (Closed)

今日出嚟覓食～記得大圍有間ocio都開咗好耐，走去試下先！醬燒柚子蜜豬仔骨伴蟹肉芝士啡菇$138我哋都唔係好肚餓就嗌咗一份dinner set+甜品，套餐包括是日餐湯同埋一杯餐飲，餐湯係蘑菇湯，味道偏淡，餐飲凍檸茶正常，而豬仔骨都幾大份，仲有埋薯條同沙律菜，食落冇咁濟！豬仔骨好正呀，夠晒juicy，薯條都炸得岩岩好，個菇就一般般。朱古力心太軟$65甜品係食完正餐先叫起嘅，等左15分鐘左右。有一球雲呢拿雪糕跟埋。心太軟熱辣辣，外層鬆軟，配雪糕食真係好夾。