Video
Read full review
2022-09-16
1253 views
🔆Shiba しば 🔆堅尼地城🔆居酒屋🔆同朋友聚會，恭賀其中一位靚靚準新娘準備結婚～佢就揀左間日本居酒屋一齊開心下～我地有叫串燒小食，亦有叫酒，食到超飽🥰串燒方面，佢都幾多選擇～免治紫蘇雞肉棒，月見醬料100分！雞黃加醬油，配上雞肉棒棒，真係要每人一條先過癮💕另一個我地encore嘅料理係燒鰻魚，蒲燒同鹽燒都好好食！魚身魚肉堅挺，烤香嘅鰻魚皮真係好正，百食不厭黑豚蘆筍卷，薄薄嘅豚肉都好香，但又唔會過脆過焦，加上爽甜蘆筍，都係好正紫蘇梅醬雞肉，係雞肉加上紫蘇葉包裹住，好香口，不過梅醬我就略嫌唔夠香特別menu出現雞心，我哋都叫咗一客試下，個texture好特別，係好有咬口嘅小肉，幾特別，唔會有內臟味櫻花蝦墨魚棒我地都encore左，好彈口嘅墨魚膠都係好食，加上櫻花蝦少少點綴，都係比較少見，而且好食嘅！我地亦叫左牛舌、牛小排、小蕃茄、青椒、白果、甜番薯～ 好好味，不過不失至於小食，我哋就叫咗菜單上面比較特別嘅幾款：💕 螢光墨魚 - 比較係前菜小食，大概有5-6塊，好濃海鮮味，好特別💕 烤明太子，分量比想像多，烤香又不會死咸，每人分2-4塊好抵食！💕 一夜干～係北海道喜知次～烤香，魚身會翻起
同朋友聚會，恭賀其中一位靚靚準新娘準備結婚～佢就揀左間日本居酒屋一齊開心下～我地有叫串燒小食，亦有叫酒，食到超飽🥰
串燒方面，佢都幾多選擇～
免治紫蘇雞肉棒，月見醬料100分！雞黃加醬油，配上雞肉棒棒，真係要每人一條先過癮💕
另一個我地encore嘅料理係燒鰻魚，蒲燒同鹽燒都好好食！魚身魚肉堅挺，烤香嘅鰻魚皮真係好正，百食不厭
黑豚蘆筍卷，薄薄嘅豚肉都好香，但又唔會過脆過焦，加上爽甜蘆筍，都係好正
紫蘇梅醬雞肉，係雞肉加上紫蘇葉包裹住，好香口，不過梅醬我就略嫌唔夠香
特別menu出現雞心，我哋都叫咗一客試下，個texture好特別，係好有咬口嘅小肉，幾特別，唔會有內臟味
櫻花蝦墨魚棒我地都encore左，好彈口嘅墨魚膠都係好食，加上櫻花蝦少少點綴，都係比較少見，而且好食嘅！
我地亦叫左牛舌、牛小排、小蕃茄、青椒、白果、甜番薯～ 好好味，不過不失
至於小食，我哋就叫咗菜單上面比較特別嘅幾款：
💕 螢光墨魚 - 比較係前菜小食，大概有5-6塊，好濃海鮮味，好特別
💕 烤明太子，分量比想像多，烤香又不會死咸，每人分2-4塊好抵食！
💕 一夜干～係北海道喜知次～烤香，魚身會翻起，偏乾身，保留魚肉鮮味！但佢唔係魚干，同我地期望少少唔同，比較多骨，但識吮骨就食到津津有味
💕 烤羊扒- size 大概係 bite size，加上附上手握位嘅小錫紙，比較貼心～羊扒烤至全熟，滿滿香味同油香留係口腔回甘，好味🤭
💕芝士釀雞肉大啡菇 - 滿滿雞肉釀係大啡菇內，比較可惜嘅係上面嘅芝士並無完全溶化，差少少
💕 蕎麥麵 - 最後男生確保飽肚嘅選擇😂
我地去到最後仲有個小蛋糕，祝賀準新娘生日🫶🏻 唔洗切餅費，但其實真係好飽～ 今晚都幾relax開心💕
しば
網址: https://s.openrice.com/QrbS0NDG200~uZ5MGAA
地址: 西環堅尼地城士美非路11號地舖
電話: 35682425
=====================
#黃色經濟圈 #黃店 #日本居酒屋 #居酒屋 #日本菜 #串燒 #日本串燒 #梅酒 #柚子酒 #燒鰻魚 #免治雞肉棒 #朋友聚會 #好去處 #好味 #堅尼地城美食 #堅尼地城黃店 #西環美食 #美食 #kazyykennedytown #kazyyhki #kazyysaiwan #kazyyjap #kazyybbq #kazyysake #kazyylamb #ckykyy
Post
