獅叔 (Closed)

同朋友係旺角睇完戲就去附近搵食，去咗THE FOREST ，見到一間好colorful 幾有特色的星馬菜的餐廳就去試吓，入到店內，環境開揚，幾喜歡一排望街外近𥦬的坐位設計，一路食一路望住旺角街頭幾chill 下，餐廳設計用了卡通獅子做「吉祥物」同橙黃綠為主打色 ，感覺好色彩繽紛同好啱打卡。今次點了幾道菜都很美味，最有驚喜係甜品同星加坡辣椒蟹肉配饅頭 ，有特色又好食😋。🔸 星加坡辣椒蟹肉配饅頭 🔸$168喜歡吃蟹的朋友，推薦大家必叫之選菜式，點解 ？因為蟹肉己拆哂肉，蟹肉鮮味又好食，份量都唔少，店員教我哋切開炸至金黃色的饅頭再放上蟹肉同醬汁一齊食更滋味，真係幾match 又好食，幾喜歡秘製醬汁又少少辣但有馬來西亞風味。🔸馬來甘香炒啦啦 🔸 $128初時唔知咁有創意菜名炒啦啦是乜東東，原來係炒蜆，醬汁用了秘製醬汁炒蜆，醬汁有小鹹小辣辣，不過好惹味，D 蜆好大隻又厚肉肉又新鮮又鮮味，好正😊。🔸 檳城大蝦炒粿條🔸$118上枱時己經聞到香辣的味道，食落又係唔算好辣，炒得很有鑊氣，好大隻蝦又彈牙，配買炒到煙煙韌韌的粿條，豆乾，芽菜，同蛋𢇃一齊食，又幾好食😋，很有地道馬拉風味。🔸咖央蘋果脆金寶配雪糕