Lex Coffee (Closed)

嚟到堅尼地城嘅lex coffee，佢哋嘅裝修好靚，陳列左好多不同藝術家嘅作品，好似入左間藝術館。龍蝦意大利飯：意大利飯火候控制得宜，飯身軟硬適中，用左濃郁鮮味嘅龍蝦湯煮製，帶有濃郁鮮味，而飯面上仲有一隻開邊香烤龍蝦，肉質爽口彈牙，鮮味十足。安格斯高級肉眼牛扒：牛扒肉味濃郁，肉質嫩滑，油脂香氣四溢，表面更帶點焦香，令味道層次變得更豐富。伴碟嘅仲有香烤原隻蒜頭同埋黑松露薯蓉，黑松露味道好突出，而薯蓉口感綿滑，會一食上癮。意大利芝士餅：賣相精緻，影相打卡就最啱，而佢哋用上浸泡左咖啡酒嘅手指餅，再加埋質感軟滑輕盈嘅Mascarpone芝士。表面再鋪滿濃郁香味嘅可可粉。口感輕盈，味道豐富，甜度適中，蛋糕中嘅酒同埋咖啡香味撲鼻而來。