Video
Read full review
2020-10-19
512 views
難得放假，我同朋友就去咗海邊逛逛，其實個海邊係指北角碼頭🤣，順便行下新商場嘛。而且附近嘅和富中心最近亦都翻新咗，開咗唔少新餐廳，我哋去埋嗰度八卦一下。最近細食咗，好多時晏食完午餐，夜晚都唔覺肚餓。行完一輪無鹹食吸引到我，反而我好想食甜品，加上「Mango Mania」店員落力喺門口叫人入去試吓，我哋就幫襯下佢啦🙆♀️！入到去冇耐，我哋就發現其實兩間餐廳係相通，隔離嘅橙象係食泰國菜🇹🇭，而甜品呢邊係泰國過江龍嚟。最令我Surprised係店員們同甜品師都係泰國人，我真係完全無諗過，頓時覺得食物出品應該幾正宗。甜品餐牌黃黃的💛，九成甜品同飲品都係關芒果事，芒果🥭，全部都係芒果！價錢唔算貴喎，特別係見到實物之後就知物有所值。超級芒果狂熱Super Mango Mania($68)，睇圖就知呢個係Combo，第一次食的話試雜錦就最好不過。甜品組合好豐富，賣相吸引😍，包括半個切花嘅芒果、芒果糯米飯、芒果布甸、芒果雪糕同埋鮮忌廉。芒果做到好挺身同拱橋嘅效果😂，原因係下低用隻匙羹托起。🍮布甸有驚喜，因為佢係好濃果肉嗰種，會見到一絲絲芒果，牛奶或布甸粉嘅含量較低。一向麻麻糯米飯🍚嘅我對呢度出品評價唔錯
最近細食咗，好多時晏食完午餐，夜晚都唔覺肚餓。行完一輪無鹹食吸引到我，反而我好想食甜品，加上「Mango Mania」店員落力喺門口叫人入去試吓，我哋就幫襯下佢啦🙆♀️！
入到去冇耐，我哋就發現其實兩間餐廳係相通，隔離嘅橙象係食泰國菜🇹🇭，而甜品呢邊係泰國過江龍嚟。最令我Surprised係店員們同甜品師都係泰國人，我真係完全無諗過，頓時覺得食物出品應該幾正宗。
甜品餐牌黃黃的💛，九成甜品同飲品都係關芒果事，芒果🥭，全部都係芒果！價錢唔算貴喎，特別係見到實物之後就知物有所值。
超級芒果狂熱
$68
18 views
0 likes
0 comments
芒果做到好挺身同拱橋嘅效果😂，原因係下低用隻匙羹托起。🍮布甸有驚喜，因為佢係好濃果肉嗰種，會見到一絲絲芒果，牛奶或布甸粉嘅含量較低。
一向麻麻糯米飯🍚嘅我對呢度出品評價唔錯，首先份量比較迷你，大小就如一球雪糕，啱哂我，糯米飯本身已經飽滯，份量太多的話似食緊正餐😅。再者，糯米飯質感軟稔，但又無漿住個口嘅感覺，配合埋鹹鹹哋嘅椰汁一齊食🥥，好好味。糯米飯上面仲有啲脆米添。
芒果冰磚
$70
7 views
0 likes
0 comments
冰磚外層嘅芒果粒好冰凍🥶，冰得好誇。大約食咗四至五粒芒果就可以「破冰」喇，刨冰唔係台灣嗰種剉冰，似雪花冰多啲，形態綿綿的，一絲絲好細滑，而且本身亦都有少少奶味。嫌唔夠味的話可以加埋伴旁嘅煉奶同芒果醬一齊食，又或者連埋上面球雪糕食都得🍨。
我自問唔特別鍾意食芒果，但呢度嘅甜品確係幾有特色，唔係一般本地甜品舖可以做出嚟嘅味道，最起碼全部芒果都好靚好新鮮👍，一啲都唔酸。
總括嚟講，如果係芒果狂迷，真係值得嚟到北角試試，我相信唔會失望。本身以為餐廳環境幾靚，又有啲服務，所以要收加一服務費，點知原來唔駛的，性價比高✌🏻。無得去泰國，唯有嚟呢度懷緬一下原味道先啦😙。
Post
