Cheesess (Closed)

週日陪同姨媽姨丈由東區濕平濕到落銅鑼灣，四點左右大家都經已力盡筋疲，要返屋企小休片刻，先再與家人外出晚膳。喺街道上行咗成三個幾鐘頭，下午茶時間大家少不免都會有啲肚餓，兩位姨媽喺希慎廣場六樓行過「Cheesess」，見到廚窗入面擺放有多款佢地最愛食o既芝士蛋糕，結果當然係忍唔到手 ，買咗個返屋企慢慢嘆啦！購買時，服務生介紹此味「京都原味芝士蛋糕」最為輕巧，並溫馨提醒姨媽們，蛋糕於食用前必先預先解凍 。隨糕送贈o既小叉小鏟餐具得意到小肥都唔捨得用 。解凍後o既「京都原味芝士蛋糕」清香柔軟滑溜，底層o既餅塊又夠薄脆，難怪可以成為店子o既人氣糕點 ，$238可真為物有所值！「Cheesess」o既芝士蛋糕柔軟輕巧，蛋糕o既形態同餅店個名都勁有公主princess味，似乎極有可能成為業界內o既「芝士公主」 。