古早坊 (Closed)

我一路都好想食芝士味既古早蛋糕，但一係就勁多人排隊，一係就距離出爐時間好遠。今日係元朗搞完正事之後就去揾下有冇古早味蛋糕店，於是去撞下彩數。好好彩去到芝士味蛋糕新鮮出爐，而且唔駛排隊添呀，好開心！二話不說即刻買左黎食，$60。我同店員講唔要邊邊，佢都肯俾中間既蛋糕俾我呀，好好人。蛋糕有兩層鋪左薄薄既芝士，因為新鮮出爐甘食，所以有少少流心溶溶地既口感，好正。蛋糕鬆軟，鹹鹹甜甜，加左芝士唔會唔夾，口感豐富左，正。