意粉廚房

Open Now

Now Closed

住酒店，你會唔會試下Room Service？我就會睇價錢而定，如果送餐唔貴得太多，就點都會試下。 早前短留香港，租左交通方便既尖沙咀最佳盛品酒店住兩晚，第二日好晏起身又唔願落街，於是叫咗「意粉廚房」個拿破崙芝士火腿意粉試下。同其他酒店Room Service比較，餐牌選擇其實都算多，而且價錢更加具競爭力，瞓響床百幾蚊慢慢食，算得上係相當抵。唔好以為平野無好，事關碟意粉芝士份量十足，味道可口，唔似係平價食材，最緊要食完唔會有種膩嘅感覺，同好多西餐廳比較唔會輸蝕，至於有冇酒店餐廳嘅水準，就要睇下係幾多星喇。Checkout後趕時間，於是都係去「意粉廚房」醫肚，今次食香草三文魚忌廉汁意粉，感覺相同，食完唔覺膩，但三文魚就普普通通，而且堂食環境唔算特別好，下次可能都係響房食比較划算。