Video
Read full review
2023-04-13
67 views
兩個人坐四人卡位，雖然火鍋店要行1層，但係值得嘅，環境寬敞同有啲情調，吊燈同枱櫈都有花心思。頭盤可以四選一，可以揀龍蝦🦞、蠔🦪（一客就可以叫）， 仲有酸菜魚或雞煲（兩客起）。 🦪🦞咁我同朋友揀咗龍蝦同埋蠔。芝士蠔可以拉絲，蠔肉尚算新鮮，仲有一客三隻，可以同朋友分享，非常推介。龍蝦蝦膏唔多，正常大細，加埋上面嘅芝士同樣吸引。 🍲餐廳有8款湯底選擇，可以免費鴛鴦湯底，特濃芫茜皮蛋鯪魚球鍋同日式豆乳海鮮鍋一濃一淡，芫茜味唔會太誇張， 豆乳海鮮鍋有鮮蝦。 🧆食完頭盤可以試下四款前菜小碟， 青瓜、木耳、雞軟骨同中華沙律，最好味係雞軟骨熱辣辣，脆口帶少少鹹香。喺打卡之際，好快送上🐟🦐海鮮拼盤同🥩美國安格斯牛肉拼盤。海鮮墊住乾冰，仙氣飄飄， 擺盤精美，多到要慢慢數，有蟶子、鮑魚、蜆，北海道大元貝、刀貝、鮮鮑魚、新鮮海蝦、新鮮龍躉片、日式蟹棒、手打墨魚丸、手打蝦丸 ，全部都新鮮，特別鍾意鮮鮑魚、大元貝同蟶子彈牙又大隻。 美國安格斯牛肉拼盤，可以一次過試齊手切牛小排、牛肩胛翼、封門柳同牛板鍵，🥬雜菜有娃娃菜丶生菜丶萵筍同唔同菇類等配料，食完咁豐富嘅美食清下口腔。 📲掃QR code精選任食配料無限追加美
頭盤可以四選一，可以揀龍蝦🦞、蠔🦪（一客就可以叫）， 仲有酸菜魚或雞煲（兩客起）。
🦪🦞咁我同朋友揀咗龍蝦同埋蠔。芝士蠔可以拉絲，蠔肉尚算新鮮，仲有一客三隻，可以同朋友分享，非常推介。龍蝦蝦膏唔多，正常大細，加埋上面嘅芝士同樣吸引。
🍲餐廳有8款湯底選擇，可以免費鴛鴦湯底，特濃芫茜皮蛋鯪魚球鍋同日式豆乳海鮮鍋一濃一淡，芫茜味唔會太誇張， 豆乳海鮮鍋有鮮蝦。
🧆食完頭盤可以試下四款前菜小碟， 青瓜、木耳、雞軟骨同中華沙律，最好味係雞軟骨熱辣辣，脆口帶少少鹹香。
喺打卡之際，好快送上🐟🦐海鮮拼盤同🥩美國安格斯牛肉拼盤。海鮮墊住乾冰，仙氣飄飄， 擺盤精美，多到要慢慢數，有蟶子、鮑魚、蜆，北海道大元貝、刀貝、鮮鮑魚、新鮮海蝦、新鮮龍躉片、日式蟹棒、手打墨魚丸、手打蝦丸 ，全部都新鮮，特別鍾意鮮鮑魚、大元貝同蟶子
彈牙又大隻。
美國安格斯牛肉拼盤，可以一次過試齊手切牛小排、牛肩胛翼、封門柳同牛板鍵，🥬雜菜有娃娃菜丶生菜丶萵筍同唔同菇類等配料，食完咁豐富嘅美食清下口腔。
📲掃QR code精選任食配料
無限追加美國肥牛、黑豚肉外、餃子、滑類同丸類，唔少得響鈴同炸魚皮。心水推介 : 芫茜牛丸、牛骨清湯牛丸、濃芝豆腐燒同自家製鮮蝦水餃。唯一挑剔嘅係無雞肉🤣，如果想食雞，可以試下雞煲。
🥤飲品有大眾化紙包、罐裝飲品，仲有枝裝汽水，無糖可樂、雪碧、忌廉、芬達都有。
🍦食完主菜已經好飽，所以餐廳無乜甜品都無所謂啦！因為我第二個胃都吸收唔多。 Like 社交平台 送一杯Movenpick。
Post
