Video
Read full review
2015-10-20
640 views
最近外食真係食左唔少韓國菜，朋友之間約食飯問食乜好，大部份都話食韓國菜，不過冇理由食嚟食去果幾間㗎，點都要發掘d新蒲點先得吖嘛。今次一行三人到上環，為乜? 咪係去搵食囉 (笑)，商業區有太多美食選擇啦，揀119 plus係因為想試下佢個大鉄錘溶岩天使麵，同埋我至愛既芝士啦！店內裝修簡約舒適，坐得舒服又唔會太密集，傾密計大聲dd都得 (爆)，播住big band同好hit既英文歌，感覺係年輕人必到蒲點。首先叫杯野飲住揀野食先，點左MAX RITA，其實係一支啤酒，你可以揀橙、蘋果 or 柚子，我就揀左蘋果啦！下面有d蘋果肉，飲既時候要搞勻佢，以免飲到尾時太甜。燒五花肉包菜，一上檯為之驚艷，個五花腩燒到立立令，好有光澤感...哈哈。食既時候連埋kimchi 用生菜包住食，夠哂惹味啊！野人韓牛，哈哈...野人野人，心諗一定係勁生牛肉啦！不過呢個牛係燒哂四邊，再切薄片，topping有好多蔥花，喜歡洋蔥既可連洋蔥食，不過我唔食生洋蔥既，只以蔥花伴食，加埋旁邊碟好似麵豉醬，口感唔錯吖。甜筒炸雞，嘩...呢個夠哂gimmick啦！成個甜筒咁上，不過甜筒唔食得 wakaka，只係食入面既炸雞，新鮮熱
今次一行三人到上環，為乜? 咪係去搵食囉 (笑)，商業區有太多美食選擇啦，揀119 plus係因為想試下佢個大鉄錘溶岩天使麵，同埋我至愛既芝士啦！店內裝修簡約舒適，坐得舒服又唔會太密集，傾密計大聲dd都得 (爆)，播住big band同好hit既英文歌，感覺係年輕人必到蒲點。
首先叫杯野飲住揀野食先，點左MAX RITA，其實係一支啤酒，你可以揀橙、蘋果 or 柚子，我就揀左蘋果啦！下面有d蘋果肉，飲既時候要搞勻佢，以免飲到尾時太甜。
燒五花肉包菜，一上檯為之驚艷，個五花腩燒到立立令，好有光澤感...哈哈。食既時候連埋kimchi 用生菜包住食，夠哂惹味啊！
野人韓牛，哈哈...野人野人，心諗一定係勁生牛肉啦！不過呢個牛係燒哂四邊，再切薄片，topping有好多蔥花，喜歡洋蔥既可連洋蔥食，不過我唔食生洋蔥既，只以蔥花伴食，加埋旁邊碟好似麵豉醬，口感唔錯吖。
甜筒炸雞，嘩...呢個夠哂gimmick啦！成個甜筒咁上，不過甜筒唔食得 wakaka，只係食入面既炸雞，新鮮熱辣感覺好熱氣啊！點埋旁邊呢碟蛋黃醬，絕配絕配，不過最令我驚喜係果pat cream & 蕃薯泥，兩者mix埋，好味到搶住食吖 (爆)
芝士玉子卷，呢個不得了啊！芝士控一定要食，美味既玉子卷包滿左芝士，蛋漿半熟，溶左既芝士，加埋面頭既沙律醬，有品味 xddd，呢件蛋真係俘虜左我的心囉，讚。
鉄錘溶岩天使麵，呢個重頭戲啊！好好玩，一支紅色鉄錘，都幾重手喎！一野卜落去，敲碎d脆脆，撈埋d喇沙天使麵一齊食，又幾得意喎，我最中意佢喇沙味勁濃，少辣得黎好惹味，每條天使麵都掛滿左喇沙汁，正到呢！
最後係爆芝煙肉，我同朋友們都覺得早餐有呢個食會超滿足 (笑)。軟軟既白麵包夾住厚厚既芝士，單係芝士已經吸引死我啦，加埋面層包滿哂香脆既煙肉，omg...芝士+煙肉控點忍得住口吖，不過要趁熱食，溶緊既芝士最好味，呢個都係必食推介。
Post
