野川拉麵 (Closed)

芝士控麵店自家制豬軟骨拉麵芝士辣湯（$65）有芝士湯尼講當然唔係極正宗既日本拉麵，但出奇地所有芝士產物都做得好好食。配料比得多，豬軟骨非常入味，煮到起膠，成口骨膠原，就算浸左落湯都唔會冇味。湯底滿滿既芝士味，鹹香十足，但辣味就欠奉，除左個湯底係芝士味，佢地仲額外加左芝士係面，一拉起啲麵，直情係拉到絲添啊！加上拉麵口感彈牙，芝士控必叫！食拉麵最緊要隻溏心蛋，有流出黎嘅蛋汁真係會加晒分！呢度每碗拉麵都配溏心，煮得岩岩好、火喉夠，一咬開唔係成個黃都未熟，而係有黃之餘仲有蛋汁，食落真係好幸福！黃金蠔 ($10/1隻)十蚊喎！燒蠔喎！芝士喎！仲要係廣島蠔！芝士岩岩好，上枱熱辣辣仲可以拉到絲，蠔亦都好新鮮好甜，淨係食小食炸物都抵！北海道三重芝士薯餅 ($28)司令真係好中意食薯類嘅製品😂，今次寫明三重芝士真係忍唔到，岩岩炸好就上枱，食落去拉到絲，仲真係食到三重芝士隔著薯蓉咁包係裏面😍。雖然好味不過食半件都夠晒！兩個人食飽都只係二百頭，性價比冇得講！另外like佢地facebook小食仲會有折添。