Video
Read full review
2015-04-21
890 views
最近無意中發現，公司附近既韓國餐廳，有"芝士豬排骨"食 , 酷愛芝士既我，心思思，巧想試啊！男朋友一聽到我話想食，就話星期日陪我去食喎！豬仔諗定好節目，話先去淺水灣睇"視覺藝術館"後, 再出來灣仔食，巧感動 呀！我地6點几到達餐廳，門外看兩看餐牌, 便走進去。L型既餐廳有著簡單既佈置，牆上貼滿韓風畫作及海報。我地坐卡位，相當舒適自在。暫時得兩三枱食客，仲要係韓國人添 , 食物質素應該幾地道吓…二話不說，即刻揀人氣主菜"芝士豬排骨"(small size) 先，再找來韓藉男侍應以英語細問，先知大慨有6-8件豬排骨左右, 嫌唔夠芝士或豬排骨既，可以加錢加大份量㗎！每100克芝士加50蚊，4件豬排骨就120蚊。跟住點多個男朋友鐘意食既八爪魚 喇！侍應生率先奉上5碟韓式小食: 有辣泡菜，酸辣爽口，但都几辣吓 㗎，男朋友就怕怕，一於唔食 ！有芽菜、西蘭花，一般質素。有辣豆腐乾，薄薄的，唔過辣！有炆蓮藕，甜甜地, 夠腍入味，最好食！1.芝士豬排骨(small size) : 首先侍應生會將一大盤合共8件煮熟既豬排骨+6件煮熟既年糕+些少大豆芽菜+已搞碎既芝士等放係gas爐上面，然後
我地6點几到達餐廳，門外看兩看餐牌, 便走進去。L型既餐廳有著簡單既佈置，牆上貼滿韓風畫作及海報。我地坐卡位，相當舒適自在。暫時得兩三枱食客，仲要係韓國人添 , 食物質素應該幾地道吓…
二話不說，即刻揀人氣主菜"芝士豬排骨"(small size) 先，再找來韓藉男侍應以英語細問，先知大慨有6-8件豬排骨左右, 嫌唔夠芝士或豬排骨既，可以加錢加大份量㗎！每100克芝士加50蚊，4件豬排骨就120蚊。跟住點多個男朋友鐘意食既八爪魚 喇！
侍應生率先奉上5碟韓式小食: 有辣泡菜，酸辣爽口，但都几辣吓 㗎，男朋友就怕怕，一於唔食 ！有芽菜、西蘭花，一般質素。有辣豆腐乾，薄薄的，唔過辣！有炆蓮藕，甜甜地, 夠腍入味，最好食！
韓式小食
21 views
0 likes
0 comments
豬排骨甜甜辣辣，半肥瘦、啖啖肉加埋d濃郁芝士同食，非常惹味 啊！芝士又多又厚 ，比平時食pizza既芝士量多，仲鋪左些少脆瓜、青、紅椒等，口感豐富！
年糕就硬身左些少，稍為遜色！
芝士豬排骨(small size)
$288
36 views
0 likes
0 comments
2.辣炒八爪魚: 男朋友見到menu張八爪魚靚靚相，一心以為係佢至愛食既紅色墨魚仔，猛嚷著話要試！好啦，見你陪我食芝士豬排骨，咁呢碟就依你 ……幣傢伙！中伏添 ……d八爪魚巧韌呀 ，我地唔止辣到差d標眼淚，仲巧想噴火 ！d麵又太腍，成碟簡直可以稱為”地獄八爪魚拉麵”
辣炒八爪魚
$170
32 views
0 likes
0 comments
眼見其他韓藉食客，全部點燒烤物，下次揾多d朋友來，除左食芝士豬排骨外，順便試下呢度既韓燒先得！
Other Info. :
其實個韓式豬排骨啖啖肉，唔算貴……出面食既外國Ribs價錢平d，但無肉食㗎！風格味道雖然不可同日而語，但口感都係多肉既略勝一籌！
(The above review is the personal opinion of a user which does not represent OpenRice's point of view.)
Post
