膠得喜 (Closed)

膠得喜，新開幕2個月唔夠，主打係不同食法嘅花膠，無論係撈麵、燉湯，甚至豪華嘅花膠扒，都可以搵到花膠嘅蹤影。咖喱花膠撈麵（$58）咖喱味嘅撈麵，再加埋花膠，味道濃郁。麵條可以有三種選擇；蝦子麵、魚蓉麵、或者我所選擇嘅菠菜麵。即日限定花膠燉湯（$78）椰子竹絲雞燉花膠，非常滋補養生，而且限量供應，更顯矜貴。主角係原隻金箔扣花膠，非洲黃花膠（$138）。街坊價錢食到花膠扒，花膠入味有膠質，實在不容錯過。呢度仲有款好特別嘅小食，鹽酥花膠，可惜趕時間上堂，下次一定要試下。