Video
Read full review
2017-08-01
99 views
想食物質素與環境同時兼顧到其實唔易, 雖然而家好多以環境做招牌既café, 的確有唔少厄Like功效,但食物一係就太貴一係就質素差, 今次去呢間朋友介紹既花心café, 令左一餐令人好寫意既晚餐。 位置於天后同銅鑼灣中間, 由銅鑼灣出穿過皇室堡再行過馬路, 見到價真棧個招牌行入去就會揾到! 星期日6點左右,時間尚早, 但我都book左位廢事無枱~ 店員姐姐好好人(又靚女~~~), 體貼地幫我地收傘, 又問我地會唔會怕焗驚風扇吹唔到我地! 未食飯已經覺得好warm 晚餐價錢百五蚊至二百蚊左右, 大約有十多款食物,常見既意大利飯粉或者扒類都有, 連沙律餐湯餐飲。 餐湯係蘑菇忌廉湯, 表面既忌廉用作拉花,而且兩碗都係不同既拉花, 相信湯比咖啡更難拉得靚~~唔係得個樣既忌廉湯, 雖然未係好濃稠既程度, 但蘑菇碎打得好幼細, 平均混和於湯中, 每啖湯都嚐到蘑菇碎, 但忌廉量多但唔覺得溜~ 跟餐沙律都有煙三文魚, 細細地捲成花型, 沙律菜同蕃茄粒新鮮, 混和少量沙律醋, 酸酸甜甜夠開胃~ 德國咸豬手 食西餐既話, 除左鋸扒個人更愛好咸豬手!!! 呢到睇落好清淡健康, 所以叫下佢既重口味菜式睇下處理
位置於天后同銅鑼灣中間, 由銅鑼灣出穿過皇室堡再行過馬路, 見到價真棧個招牌行入去就會揾到! 星期日6點左右,時間尚早, 但我都book左位廢事無枱~ 店員姐姐好好人(又靚女~~~), 體貼地幫我地收傘, 又問我地會唔會怕焗驚風扇吹唔到我地! 未食飯已經覺得好warm
晚餐價錢百五蚊至二百蚊左右, 大約有十多款食物,常見既意大利飯粉或者扒類都有, 連沙律餐湯餐飲。
餐湯係蘑菇忌廉湯, 表面既忌廉用作拉花,而且兩碗都係不同既拉花, 相信湯比咖啡更難拉得靚~~
唔係得個樣既忌廉湯, 雖然未係好濃稠既程度, 但蘑菇碎打得好幼細, 平均混和於湯中, 每啖湯都嚐到蘑菇碎, 但忌廉量多但唔覺得溜~
跟餐沙律都有煙三文魚, 細細地捲成花型, 沙律菜同蕃茄粒新鮮, 混和少量沙律醋, 酸酸甜甜夠開胃~
德國咸豬手
食西餐既話, 除左鋸扒個人更愛好咸豬手!!! 呢到睇落好清淡健康, 所以叫下佢既重口味菜式睇下處理成點~
落單後大約十數分鐘就有, 以即整黎計好快速度!!
相當有份量既咸豬手, 大大條骨, 表面鋪滿左炸得紅卜卜既豬手皮, 從表面睇都已經feel到好香脆, 一大打開豬手皮, 係一件件切好左既豬手肉, 每件都連埋滑溜溜既脂膏
一咬落個皮, 係久違既十級脆豬皮!!!!!!好耐無食過咁脆口既咸豬手, 好惹味! 豬手肉亦同樣高質, 一咬即開, 連埋肥膏食, 滑不溜口加埋鬆稔豬手肉, 高質喎~~
食完個咁熱氣既主菜, 當然要試返啲健康既主菜
難得有全素既餐可以點, 而且全日供應, 欣賞餐廳有呢個為全素者着想既心思~
呢個色彩相當繽紛豐富既藜麥飯, 配料配得好似彩虹咁靚, 而且佢既營養價值可能比起佢既顏色更豐富呢!!
圍邊既有紅腰豆 粟米粒 洋蔥粒 蕃茄粒同埋藜麥, 正中間既係受大家女士熱愛既牛油果!! 全部都係好有益既食品, 紅腰豆豆類食物又高澱粉質同蛋白質, 洋蔥碎較比少見, 食之前都驚會好大陣味, 食落一啲刺味都冇, 處理得好軟身容易入口, 淋面既沙律黑醋汁添左酸甜令本身咁清淡既食材變得美味! 其實我本身唔太愛牛油果, 但呢到有半個, 切左塊, 食落好滑口creamy, 令我一啲都唔抗拒!
甜品時間, 係玫瑰芝士餅同玫瑰芭菲杯之爭, 店員話芝士餅係佢地自己handmade的!!最後揀左芭菲杯~
看似唔太大既芭菲杯, 面有兩大球云尼拿雪糕, 雖然呢隻味雪糕平時最唔吸引我, 但呢個云尼拿味好真, 同平時果啲平云尼拿味好唔同, 唔係得個白色但無味, 兩大球好足料, 底部既海棉蛋糕混合埋溶左既雪糕, 軟棉棉口感好正, 仲食到cream~ 呢個配搭都怕溜, 但草莓粒就好好擔當左中和既角色, 另一主角係自製既玫瑰啫哩粒, 淡淡既甜味配埋真玫瑰花乾粒係入面, 又靚又增加咬口!
呢到除左係門口坐會比較焗促之外, 擺設同設計都令人感受到置身於花花世界咁!!!配埋深棕色防木製既木椅, 確係相聚既舒適好去處!!
Post
