花花世界. (Closed)

朋友由加拿大回來，當然聚一聚，今次選了了一間女仔聚會勁岩的cafe，去到八點多有幾桌，一入去已經十分多玫瑰裝飾品勁吸睛，之後我地坐左四人桌，每人叫了一個意粉和飲品，慢慢傾下計，而且這裡有不少地方仲可以自拍添。每份意粉仲有濃郁南瓜湯。玫瑰櫻花蝦雜菌意粉，黎到櫻花蝦味十分香佈滿在意粉上，而且份量也不少，醬汁味道剛好又吾會太杰身而又掛在意粉上，櫻花蝦帶出更有海鮮風味而且這個意粉當初仲以為好油身，點知原來吾係喎，食到最尾意粉都吾會好油而吃不下，吾錯。阿根延紅蝦青醬意粉，紅蝦十分大隻而且煎得十分香口，肉質夠爽，意粉口感一流吾會太淋身配上青醬十分清新。飲品方面，港式和特色飲品都有，今次朋友叫了檸茶而我就叫了玫瑰原粒荔枝紅茶，沒想到2隻杯都十分之精美，朋友勁鐘意，檸檬茶正常啦，但我杯的荔枝十分大粒而且吸晒紅茶香好味道，仲帶少少玫瑰香，吾好睇杯子靚靚其實都幾大杯。