樂天經典 (奧海城二期)

Open Now

Now Closed

今日嚟呢度食蟹🦀 叫咗套餐B ，除咗蟹仲有好多其他嘢食。前菜蒜香紅海頭，紅海頭爽口。花雕雞油蒸螃蟹🦀，用花雕酒同雞油蒸熟嘅螃蟹，肉質鮮甜細膩，仲滲入咗淡淡嘅酒香，唔會過重但非常提味。蟹膏濃郁香滑，搭埋雞油嘅濃香。金銀蛋時蔬，簡單但唔失水準嘅家常菜。 臘味炒飯，用臘腸、臘肉炒成嘅臘味炒飯，粒粒分明。臘味嘅鹹香配埋少許青蔥，幾滋味。甜品部分，酸柑香茅凍係一個清新又解膩嘅選擇。 清心丸綠豆爽好滋潤，清心丸增加口感。套餐仲有飲品 揀了溫無糖豆漿。溫熱嘅豆漿帶有豆香味。