Video
Read full review
2016-11-20
1435 views
假日遊西貢，除左海鮮，特別想食西餐嘅~沿住海旁行，見到呢間餐廳，一睇到個名--- Camden Town同英國underground嘅標誌, 喺英國讀書嗰幾年啲回憶即刻浮晒出來， 好懷念啊~呢間餐廳出名fish n' chips, 某旅遊雜誌都介紹過架，於是一試~餐廳本身座位有限，門口有帳篷加設枱櫈，不過食客都係源源不絕枱接枱，所以都要有心理準備等位需一定時間，加上樓面得兩位店員，你會見佢地忙到你都唔好意思催佢地，所以等食，都要耐心啲，而餐廳都好均真咁寫明食物要時間烹調，起碼要等30分鐘，要食就唔好催。今日雖然唔熱，但是始終未到冬天，老闆好貼心咁喺每張枱後面加設座地風扇緩緩地吹風，令大家食住炸野都唔會覺得好熱。招牌菜，炸魚薯條，有大份（三件魚）同細份（兩件魚）任君選擇。新鮮熱辣~外層香脆，炸漿不會過厚，跟魚柳肉緊貼唔甩殼，唔會皮肉分開，好好味。魚柳肉味豐富，肉質滑溜好新鮮又唔腥，感覺唔係用frozen fillet.薯條係厚實形，雖然唔係我杯茶但係都好新鮮。最正係有香港少人用嘅salt and vinegar, 呢個配搭都係去左英國讀書先知， 好英國啊～芝士焗大啡菇大啡菇+芝士+煙肉粒
沿住海旁行，見到呢間餐廳，一睇到個名--- Camden Town同英國underground嘅標誌, 喺英國讀書嗰幾年啲回憶即刻浮晒出來， 好懷念啊~
呢間餐廳出名fish n' chips, 某旅遊雜誌都介紹過架，於是一試~
餐廳本身座位有限，門口有帳篷加設枱櫈，不過食客都係源源不絕枱接枱，所以都要有心理準備等位需一定時間，加上樓面得兩位店員，你會見佢地忙到你都唔好意思催佢地，所以等食，都要耐心啲，而餐廳都好均真咁寫明食物要時間烹調，起碼要等30分鐘，要食就唔好催。
今日雖然唔熱，但是始終未到冬天，老闆好貼心咁喺每張枱後面加設座地風扇緩緩地吹風，令大家食住炸野都唔會覺得好熱。
招牌菜，炸魚薯條，有大份（三件魚）同細份（兩件魚）任君選擇。新鮮熱辣~外層香脆，炸漿不會過厚，跟魚柳肉緊貼唔甩殼，唔會皮肉分開，好好味。魚柳肉味豐富，肉質滑溜好新鮮又唔腥，感覺唔係用frozen fillet.薯條係厚實形，雖然唔係我杯茶但係都好新鮮。最正係有香港少人用嘅salt and vinegar, 呢個配搭都係去左英國讀書先知， 好英國啊～
芝士焗大啡菇大啡菇+芝士+煙肉粒， 根本就係無敵，仲要熱辣辣喺焗爐拎出來，唔會唔好食啦～要讚嘅係，餐廳懂得隱惡揚善，保留到大菇嘅菌香和水份但唔會過濕，亦沒有菇菌嘅草腥味，適量配搭芝士煙肉，味道不會過咸，讚啊
黑松露白汁野菌意粉扁意粉配搭白汁雜菌，口感一流，加入黑松露醬散發獨有香味，只係略嫌過於辛辣，唔知係咪一時重手落多左pepper呢？
總體算唔錯，坐門外仲可以帶埋狗仔一齊來添架
Post
