英記火鍋海鮮酒家 (Closed)

陪屋企人迫完工展會過後，消耗完腳骨力要飲茶坐番夠本，過到海當然要去英記，老爸同哥哥自從去過一、兩次後都愛上了。芝麻卷夠哂懷舊，口感細膩，相信是自家磨製。白雲鳳爪很久無食過了，酸甜彈牙既口感返哂嚟。時菜牛腩入味又易𡁻，配飯一流。蒜香釀茄子份量不足，變成一碟兩味，用兩粒煎堆仔搭夠，蝦膠彈牙，可惜凍了，味道不錯，煎堆飽滿芝麻香，熱辣辣的話更好。酸薑皮蛋蝦筒只此一家，特色野必食無疑。過橋韮菜餃，香濃韮菜味、炸脆腐皮放在湯上拖一野，熱食唔熱氣。迷你蠔仔泡飯，味道同份量足，每人一至兩小碗，少吃多滋味。炸兩都是炸兩的味道，醮麻醬、甜醬，無乜特別，幸好油條是脆的。埋單只不過$300～抵食又好味。