Video
Read full review
2019-02-19
730 views
同細佬妹、老婆晌朗豪坊「飲茶」食完飯後，由於佢哋啲甜品唔多啱細佬妹口味，二來亦唔叫得抵，所以，下場就過咗隔離嘅「滿記甜品」食，選擇多之餘，感覺就仲划算添。「滿記」都好耐無幫襯，晌1995年由西貢發跡，發展到依家已經有十多家分店遍布港九新界，甚至大嶼山昂坪都有鋪。環境唔多講喇，採開放式，人流快上快落，個個都喺食碗糖水或甜點就閃，基本上絕大部人都唔會坐得耐。因喺秋冬季關係（雖然今年香港嘅冬季超短），晌門面，就睇到近排嘅推廣有「暖戀椰皇」系列、「窩心燉品」系列。而基本選擇，就印晒晌兩大版餐版之上，分類為滿分經典、廚師糕點、傳統滋味、摯愛水果、榴槤天堂，以及多款精選推薦，目測都有6、70多款，平貴都有，豐儉由人。滿記星洲喳喳 $28細佬真喺一貫嘅傳統口味，唔多喜歡試新嘢，餐牌睇都唔睇就喺要喳喳，而喳喳算唔上有咩特別，但勝在料多，有咬口，稀杰度又啱啱好。不過，食完餐飯都幾飽吓，佢都仲食到碗喳喳，好嘢。椰汁紫米露小丸子 $40細妹就要咗碗紫米露，佢就話啲紫米煮得夠透，夠軟身，卻保持咬口感，而碗內有勁多小丸子，煙煙韌韌，混入咗椰汁，令味道香甜好多。焗茘茸西米布甸 $34老婆就選擇焗西米布甸，貪佢以芋
「滿記」都好耐無幫襯，晌1995年由西貢發跡，發展到依家已經有十多家分店遍布港九新界，甚至大嶼山昂坪都有鋪。環境唔多講喇，採開放式，人流快上快落，個個都喺食碗糖水或甜點就閃，基本上絕大部人都唔會坐得耐。
因喺秋冬季關係（雖然今年香港嘅冬季超短），晌門面，就睇到近排嘅推廣有「暖戀椰皇」系列、「窩心燉品」系列。
而基本選擇，就印晒晌兩大版餐版之上，分類為滿分經典、廚師糕點、傳統滋味、摯愛水果、榴槤天堂，以及多款精選推薦，目測都有6、70多款，平貴都有，豐儉由人。
滿記星洲喳喳 $28細佬真喺一貫嘅傳統口味，唔多喜歡試新嘢，餐牌睇都唔睇就喺要喳喳，而喳喳算唔上有咩特別，但勝在料多，有咬口，稀杰度又啱啱好。不過，食完餐飯都幾飽吓，佢都仲食到碗喳喳，好嘢。
椰汁紫米露小丸子 $40細妹就要咗碗紫米露，佢就話啲紫米煮得夠透，夠軟身，卻保持咬口感，而碗內有勁多小丸子，煙煙韌韌，混入咗椰汁，令味道香甜好多。
焗茘茸西米布甸 $34老婆就選擇焗西米布甸，貪佢以芋頭蓉代替傳統嘅蓮蓉，會唔會有啲新衝擊？份量有啲迷你嘅感覺，真喺俾我嘅話，食幾啖都無晒。幸而，焗得幾香滑，又有蛋香味，芋頭蓉比蓮蓉又相對少甜咗、健康啲。
榴槤糯米糍（三粒）$29因為求先餐飯由小弟包底，都堅喺食得頗飽，所以，嚟到「滿記」，就簡單點一客「榴槤糯米糍」過過口癮。一客3粒，皮就幾厚吓架嘞，但都算軟糯煙韌，而中心嘅榴槤果蓉算無欺場，填得滿滿，且幾足榴槤味。
「滿記」雖然已經成為連鎖店，但質素算得上喺穩打穩紮，說唔上有咩驚喜，不過，至少唔會食到一肚氣，好似我哋咁，食完飯過嚟過吓甜癮，都唔錯吖，最低限度就算晌旺區，個定價都唔會嚇怕人嘛。
Post
