茶王冰室 (洗衣街) (Closed)

今日晏晝同老婆去咗旺角shopping，佢見我咁乖同佢shopping玩帶咗我先茶王之王。旺角嘅茶王之王非常之出名，今日終於有機會嘗試一下。茶王之王分別有兩種奶茶。細杯左杯奶茶係用四種茶葉整成，大杯個杯奶茶就用咗六種唔同嘅茶葉。奶茶嘅師傅特登喺斯里蘭卡揀咗唔同種類嘅茶葉佢整成呢兩杯咁好味嘅奶茶。平時飲嘅奶茶最鍾意佢有少少苦澀嘅味道.佢啲兩杯奶茶更香、濃滑，甘甜。呢一杯奶茶值回票價！老婆唔係特別鍾意飲奶茶所以佢揀咗一杯凍嘅西柚茶，佢話呢一杯都非常之唔錯，有兩塊西柚喺裏面，非常之解渴。跟住我就叫咗一個茶餐有牛油多士同火腿奄列，同埋沙嗲牛肉麵。老婆就叫左一個沙嗲牛肉撈麵。呢一對嘅沙嗲牛肉都幾好食唔錯。