樓下冰室 (Closed)

今日約左朋友黎荃灣食飯，我地2個都無idea食咩，行到路德圍比樓下冰室既門面吸引左入去。餐廳裝修幾唔錯，好有茶餐廳特色，餐牌方面有中式亦有西式。一場黎到，梗係要試下佢既招牌瑞士汁雞翼! 咬落好濃味，瑞士汁落得好夠，而且雞翼都好大隻!正餐，我地2個各自點了咸菜胡椒滑雞湯飯同招牌滑蛋叉燒飯。睇相到睇到咸菜胡椒雞既用料十分足，，湯底好醒胃，而且好大碗，一個人要慢慢食先食得晒!滑蛋叉燒飯同樣份量都好多，滑蛋炒到好有蛋香，又唔會太老，叉燒肥瘦適中，推介!另外，小食點左口水雞同芝士焗西蘭花。口水雞夠辣夠惹味，雞肉好嫩，撈汁食飯一流。西蘭花大大棵，芝士份量剛好。