栢檔極品海南雞飯 (Closed)

荃灣友有福了！日日都要出去荃灣買餸嘅媽媽，今日發現咗喺楊屋道街市附近，有間超好食嘅海南雞飯！下午茶餐仲超抵食添啊😍真係啱晒買完餸過去食👍🏻我哋今日早咗出嚟，所以食午餐海南雞飯套餐有齊湯或飲品、海南雞、油飯、油菜同甜品🥰呢度嘅油飯超級香，見到入邊係有蔥油嘅😍 套餐附送嘅湯，仲係超足料嘅紅蘿蔔粟米南瓜湯，入邊仲有大大嚿粟米添🥳味道超濃郁🤩海南雞亦都超級嫩滑呢度嘅店員仲非常之親切，教我地將三個醬撈埋一齊食，會更加好食㗎肉骨茶呢度午餐仲有得食肉骨茶，肉骨茶充滿胡椒香味，而且仲有非常濃郁嘅藥材香味😍非常之道地嘅味道🤩肉骨茶餐，都可以根由飯，媽媽非常鍾意❤️飲品我就揀咗宜保白咖啡，係好正宗嘅白咖啡味道😍