90s Lazy (Closed)

今日一個人喺荃灣食lunch，剛巧路過呢間日式cafe, 見到裡面裝修都幾有復古日系feel，決定入去探店。🍴雜菜沙律 （前菜）呢碟雜菜沙律勁大碟，一啲都唔似前菜嘅份量，沙律蔬菜配埋蕃茄仔嘅口感層次豐富，清新爽口，配埋和風醬汁，更加美味。🥢 壽喜燒牛肉烏冬 （主菜）壽喜燒湯汁鮮美，肥牛夠晒嫩滑，重配埋好有蛋味嘅糖心蛋、冬菇同椰菜，而且烏冬Q彈有勁，味道甜鹹適中，非常滿足。🥤 蜜瓜雪糕梳打 （跟餐半價）呢個雪糕梳打夠晒清新、甜美，底層更帶有蜜瓜果肉，果肉夠清香鮮甜，再加埋頂層雪糕嘅幼滑，令到口感勁清爽。