共度一燒

Open Now

Now Closed

相約閨蜜傾偈食晚餐，揀咗間串燒店，可以坐低慢慢食慢慢傾！串燒店環境不錯，好乾淨，食物選擇不少，價錢親民！我哋都好鍾意食香口野，點了幾樣！芝士年糕、芝士蝦球、櫻花蝦餅櫻花蝦餅好特別，外面好鬆脆，咬開有一粒粒櫻花蝦，蝦餅口感彈牙，有層次感！咬開芝士蝦球有流心芝士，好滋味！每次食串燒都想食雞泡魚乾，甜甜的味淋，慢慢咀嚼的魚乾，加杯酒就爽！芝士竹輪、金菇肥牛卷、雞肉串芝士控表示開心，好多芝士菜式！雞肉好稔！金菇同肥牛永遠都好夾！牛舌心、五花腩串、雞心串、雞軟骨推薦牛舌心！必食！好彈牙，肥美又香，不輸日式居酒屋！另外我覺得第二好食係五花腩，燒得好透，醃得好入味，有五香粉，帶焦脆，油份逼了出來！雞髀菇、台灣腸、鵪鶉蛋、黑豚肉、娃娃菜黑豚肉彈牙嫩滑！整體燒物不錯，調味合適，值得一讚的是每款都可以選擇辣與不辣，可根據個人口味，下次再試其他串燒！