Video
Read full review
2021-06-08
609 views
[荃灣隱世拉麵店 偽日本遊必去景點😚］1️⃣ 魚介拉麵$80/學生價$58一放上枱已經聞到陣陣拉麵香味，而且份量適中，一個人食啱啱好。值得讚嘅係湯底味道十分濃郁，而我哋揀嘅直麵咬落去好爽口，不錯！絕對唔可以錯過既就係拉麵既溏心蛋🍳小編同朋友一咬落口，食落軟軟地，十分有味，仲爆哂流心蛋黃😍即刻讚不絕口。2️⃣ 黑蒜油拉麵$83/學生價$58湯底除咗黑蒜油，仲有生蒜同炸蒜，味道同樣好濃郁。直麵一樣係有咬勁，即使浸左十幾分鐘，食落口麵條唔會話好快就淋曬，麵條仍然好爽口彈牙～～3️⃣ 櫻花蝦拉麵$88/學生價$58絕對係超級足料，大家睇相麵見到一堆櫻花蝦鋪滿拉麵😚💖食到最後個味都啱啱好，唔會太鹹。呢一次小編就試左曲麵，但係小編同朋友都覺得直麵比曲麵好食，佢哋既直麵係日本個種黎架，相反小編就覺得曲麵食落去有點似公仔麵🤣4️⃣ 激辛味增拉麵$88/學生價$58呢款拉麵同樣冇偷工減料，拉麵上放左兩條完整既小辣椒🌶️，紅卜卜咁 ，以為食落去好辣，不過小編覺得還可以接受，佢哋辣既程度就同三哥既十小辣差唔多🤣每碗拉麵入面有兩塊好大塊既叉燒，叉燒索曬d湯味，超好食👍🏻店舖環境佈置好日本feel，而家因為疫情令好多人都去唔到旅
1️⃣ 魚介拉麵$80/學生價$58
一放上枱已經聞到陣陣拉麵香味，而且份量適中，一個人食啱啱好。值得讚嘅係湯底味道十分濃郁，而我哋揀嘅直麵咬落去好爽口，不錯！絕對唔可以錯過既就係拉麵既溏心蛋🍳小編同朋友一咬落口，食落軟軟地，十分有味，仲爆哂流心蛋黃😍即刻讚不絕口。
2️⃣ 黑蒜油拉麵$83/學生價$58
湯底除咗黑蒜油，仲有生蒜同炸蒜，味道同樣好濃郁。直麵一樣係有咬勁，即使浸左十幾分鐘，食落口麵條唔會話好快就淋曬，麵條仍然好爽口彈牙～～
3️⃣ 櫻花蝦拉麵$88/學生價$58
絕對係超級足料，大家睇相麵見到一堆櫻花蝦鋪滿拉麵😚💖食到最後個味都啱啱好，唔會太鹹。呢一次小編就試左曲麵，但係小編同朋友都覺得直麵比曲麵好食，佢哋既直麵係日本個種黎架，相反小編就覺得曲麵食落去有點似公仔麵🤣
4️⃣ 激辛味增拉麵$88/學生價$58
呢款拉麵同樣冇偷工減料，拉麵上放左兩條完整既小辣椒🌶️，紅卜卜咁 ，以為食落去好辣，不過小編覺得還可以接受，佢哋辣既程度就同三哥既十小辣差唔多🤣每碗拉麵入面有兩塊好大塊既叉燒，叉燒索曬d湯味，超好食👍🏻
店舖環境佈置好日本feel，而家因為疫情令好多人都去唔到旅行，如果想止下癮嘅不妨去下拉麵店🤣🤣絕對令你有種置身於日本既感覺，可以話係偽日本遊既必選景點之一🍜
另外，店員都好有禮貌，佢哋店舖係用自助售票機形式購餐，真係好有日本feel😍有客人入嚟佢地都會提醒顧客要出面購餐，入到黎會主動幫你收單據。整體體驗都唔錯，值得一去‼️‼️
📌團日式拉麵
荃灣大屋街18號金豐閣地下1-2號舖
🍽美味指數：🌕🌕🌕🌗🌑
📍環境指數：🌕🌕🌕🌕🌗
😻服務態度：🌕🌕🌕🌕🌑
📷打卡指數：🌕🌕🌕🌕🌑
Post