鋿晶館

Open Now

Now Closed

位於沙咀道附近的高質點心店，食物味道稱得上米芝蓮水準，全部自家製點心，即叫即整，需時20mins左右。今日早上帶阿媽過嚟飲茶，真係好熱鬧坐滿晒人。早茶有啲醒神孖寶可以揀。🍚梅菜肉餅飯即點即蒸嘅梅菜肉餅飯真係新鮮又好味，肉餅冇臊味，入口鮮嫩，飯粒口感都好煙靭。🥟潮洲蒸粉果 個粉果真係好足料，入面啲蝦米都好新鮮，每次都會點，兼且食落小小胡椒粉辣辣地好開胃。🥬菜苗餃袖滿滿嘅菜苗同蝦肉混合而成，外層個皮好薄。🥢叉燒腸腸粉口感好滑嫩，入面叉燒份量都幾多。🍤蝦餃蝦餃大大粒，蝦肉彈牙，都幾新鮮。另外見到佢午市都出咗啲🆕新餐牌，有成四款唔同嘅套餐可以選擇，而且價錢都幾經濟實惠。