圍威喂 (荃灣廣場) (Closed)

上次仲黎荃灣廣場已經book mark左尼間餐廳。餐廳以東南亞特色料理為主，就連環境都充滿東南亞兼森林風，另外佢個名都好易記「圍威喂」。我地揀左二人晚餐set，咁就可以食齊我地必食既菜式。 ⦁ 圍威喂拼盤最鍾意食拼盤，乜都有D又唔洗浪費。尼個拼盤已經有晒我鍾意食既春卷、蝦餅、魚餅和單骨雞翼。😋全部都好香好脆。 ⦁ 泰式無骨鳳爪沙律本身想啦「香辣豬肉生菜包」，結果賣晒，唯有轉泰式鳳爪。味道酸甜帶微辣，食落幾開胃。⦁ 泰式青咖喱雞青咖哩濃濃椰香味，不過辣度偏辣。而入面既雞肉基本上冇乜骨，食落超方便。揀左配份手工薄餅而捨棄白飯，我覺得酥皮薄餅酥脆香口，細份都有成4塊。 ⦁ 圍威喂！炒金邊粉可以因應自己喜好去調配醬汁，再去撈金邊粉，食落唔會好黏稠，超級爽口彈牙！ ⦁ 馬拉盞炒通菜炒香既蝦米🦐同洋蔥，味道好香，用左馬拉盞去炒，更加味濃唔咸。 ⦁ 青檸梳打青檸味濃得黎唔會好酸，亦唔會死甜。