Video
Read full review
2022-02-15
1585 views
上次上到如心廣場想食牛肉麵但係發現好多人排隊 呢間反而唔使排隊 所以我地企左一陣就等到店員帶領我地入去 值得一提係呢度嘅店員服務態度都好好 每次嗌佢地都好有禮貌同埋耐心咁 不過就比較忙碌🤣🥪巴馬火腿水牛芝士拖鞋包三文治 配甜薯條💰138呢間義大利餐廳除左一般大路嘅西餐 仲有呢隻意大利拖鞋包 我係見到好似唔油膩而且又有蕃薯條就嗌左 冇諗到原來係咁大份！盤上面擺左兩大舊拖鞋包三文治 入面包左沙律菜 番茄 水牛芝士 同埋巴馬火腿 個人真係好鍾意巴馬火腿嘅口感 肉質細膩又薄薄一片 連白色嘅脂肪部分都唔會覺得油膩 連著粉紅嘅肉片一齊咀嚼就好享受！包身本身係偏硬嘅拖鞋包 會形容類似法包口感 所以mak大個口去食會整親牙齦位 外表太脆太硬🤣但係內裡又充分柔軟嘅包口感 可以見到有小小牛油嘅顏色 但係完全係乾身的！鍾意健康嘅人士我會好推薦呢個！隔離沙律方面就有少有嘅無花果同埋細番茄 醃製過嘅菜 酸酸地都幾開胃！蕃薯條份量都唔少 呢隻係乾身D嘅薯條 入面番薯蓉唔多 主要係提供左一個爽脆嘅口感 所以都會炸得乾身而且偏油 不過唔甜都可以食🤣🍝香煎帶子大蝦 意大利欖油辣香蒜炒扁意麵💰208（套餐）呢個lunch
上次上到如心廣場想食牛肉麵但係發現好多人排隊 呢間反而唔使排隊 所以我地企左一陣就等到店員帶領我地入去 值得一提係呢度嘅店員服務態度都好好 每次嗌佢地都好有禮貌同埋耐心咁 不過就比較忙碌🤣
🥪巴馬火腿水牛芝士拖鞋包三文治 配甜薯條
💰138
呢間義大利餐廳除左一般大路嘅西餐 仲有呢隻意大利拖鞋包 我係見到好似唔油膩而且又有蕃薯條就嗌左 冇諗到原來係咁大份！
巴馬火腿水牛芝士拖鞋包三文治 配甜薯條
$138
31 views
0 likes
0 comments
盤上面擺左兩大舊拖鞋包三文治 入面包左沙律菜 番茄 水牛芝士 同埋巴馬火腿 個人真係好鍾意巴馬火腿嘅口感 肉質細膩又薄薄一片 連白色嘅脂肪部分都唔會覺得油膩 連著粉紅嘅肉片一齊咀嚼就好享受！包身本身係偏硬嘅拖鞋包 會形容類似法包口感 所以mak大個口去食會整親牙齦位 外表太脆太硬🤣但係內裡又充分柔軟嘅包口感 可以見到有小小牛油嘅顏色 但係完全係乾身的！鍾意健康嘅人士我會好推薦呢個！
隔離沙律方面就有少有嘅無花果同埋細番茄 醃製過嘅菜 酸酸地都幾開胃！蕃薯條份量都唔少 呢隻係乾身D嘅薯條 入面番薯蓉唔多 主要係提供左一個爽脆嘅口感 所以都會炸得乾身而且偏油 不過唔甜都可以食🤣
🍝香煎帶子大蝦 意大利欖油辣香蒜炒扁意麵
💰208（套餐）
呢個lunch set包齊一個黑松露野菌忌廉湯 咖啡同埋精選蛋糕 湯口味比較重 個人不太喜歡太鹹嘅湯😿但係咖啡就有配一個迷你草莓撻 撻身曲奇皮好脆 又有浸軟左嘅芝士脆餅口感 草莓下面係煉奶 甜到入心😍
意粉我地等左好耐 份量都偏係 可以話係一叉嘅份量🤣但係蝦同帶子都好新鮮大隻 而且炒意麵嘅辣味都好突出 店員會問定可唔可以食辣 不過呢隻我諗都算係意大利嘅「辣」啦🤣整體口味都偏重 但係由於係用左欖油所以都會較油🥲
香煎帶子大蝦 意大利欖油辣香蒜炒扁意麵
$208
33 views
0 likes
0 comments
🥧蛋白檸檬撻
（跟套餐）
呢個就係我地自己揀嘅精選蛋糕 單買要$52 所以覺得套餐真係好正😍外表嘅焦脆蛋白應該係攞火槍炙燒過嘅棉花糖 口感黏黏地潤滑 入面係新鮮嘅藍莓醬 冇劣質嘅糖醬味 配上我最鍾意嘅曲奇撻皮加上兩個人都食到嘅份量 呢間甜品真係非常出色！
蛋白檸檬撻
97 views
0 likes
0 comments
正餐來講其實會係正宗嘅意大利餐 相對外面嘅一般意粉 呢間會多左D意大利包同埋意大利飯 但係選擇方面未算太多 甜品就真係多不勝數 食過幾次蛋糕都好滿足 份量同味道成正比 推薦大家買做甜品食 或者試下佢嘅下午茶 享受慢悠悠嘅下午！
📌Pasticceria Giovanni Pina 1920 (如心廣場) (荃灣)
荃灣楊屋道8號如心廣場一期1樓109-111號舖
Post
