友利冰室 x 勿當奴 (D2 Place TWO) (Closed)

早前報導「友利冰室 x 勿當奴」，見到「勿當奴」個店名好特別，欣賞呢個牌頭嘅意思。餐廳神還原m記食品，俾個選擇唔想幫襯m記，又想食嗰類快餐嘅人。除咗美式快餐，呢度亦提供fusion食物，例如乳豬卡邦尼意粉，仲有常見茶餐廳食物，例如湯麵、焗飯，價位經濟實惠。Lunch time專登過嚟試吓。門口長期排長龍， 餐廳採取先排隊買嘢食，後有店員帶位嘅方法；排隊期間店員送上餐牌可以揀住嘢食先，買完食物差唔多同一時間就有位。排隊至坐低過程約十五分鐘，以長期有客人排隊嚟講算十分迅速👍=======================【叉燒炒蛋飯】$58叉燒炒蛋飯碗上，啱啱炒起熱辣辣，超厚蛋偏似蛋餅感覺，不過食落蛋味濃郁，今次呢碗炒蛋較散；叉燒粒厚切，偏瘦但有肉汁。以茶餐廳叉燒炒蛋飯而言，個人比較鍾意滑蛋方式嘅煮法，「光榮冰室」嘅炒蛋能夠保留蛋汁，入口滑嫩，濕潤嘅炒蛋能夠包裹住叉燒。【豉油無骨雞】$58雞肉有八九件，份量不少；皮爽肉嫩滑，無骨啖啖肉，懶人最愛～可惜豉油醬汁偏鹹。=======================友利冰室 x 勿當奴📍長順街15號D2 place 2期1樓109號舖