niji KITCHEN (Closed)

今日約咗朋友嚟荔枝角食飯，上網睇話niji kitchen嘅蛋包飯好好食，就嚟咗尼到。因為佢係工廠區，一點到係lunch time所以會蛋人d，好彩我地係兩點幾先到，只係等咗十分鐘就有位。不過今次因為有好多人用咗長檯，侍應安排咗我地五個人住一張長方形四人檯😂，個人覺得唔係好方便，有個人要坐角位。佢間餐廳嘅lunch set都幾多嘢食簡，同埋最貴都係68唔洗加一，不過嘢飲就要另外加錢，個人覺得一個蛋包飯68都幾抵。尷尬嘅事嚟啦，我地五個人，竟然五個都叫蛋包飯，仲要得兩款😂，分別係鰻魚同芝士漢堡蛋包飯。芝士漢堡蛋包飯係配蕃茄汁，個蕃茄汁唔係茄膏味，有陣草草地嘅味，同埋好酸😂，應該係用真蕃茄整。塊漢堡扒賣得尼個價錢緊係唔係m記戈種啦，係真係用牛肉整嘅。佢塊扒係無洋蔥嘅👍🏿👍🏿不過入面完全唔結實，一整開佢好似變咗肉碎咁。芝士係平時超過嘅芝士，無咩特別。整體上尼個飯一般。鰻魚蛋包飯係配忌廉汁，好濃郁，比起蕃茄汁好食。另外佢係忌廉汁上加埋鰻魚汁甜甜地嘅更好食😋。不過條鰻魚好腥，仲凍凍地。