黑布小巷

Open Now

Now Closed

位置有少少隱秘，在億利工廈內，小店形式經營。不過午飯時間坐無虛席。Menu食物都有好多選擇。呢度最出名係蛋餅及吐司，我都叫咗2款嚟試。慢烤雞腿芝士蛋吐司 配冬瓜茶 $56吐司好有份量好足料，雞肉好嫩滑，夾雜著流哂蛋漿及爆餡式嘅芝士一齊食，口感豐富，3樣加埋好夾。呢個多士唔係普通嘢。佢哋嘅自製冬瓜茶幾好飲呀！甜度適中。麻辣鬼椒肉蛋芝士吐司 配冬瓜茶 $58流瀉的蛋漿及芝士加埋有麻辣鬼椒的雞腿肉，層次感再豐富，很惹味。食食吓，蛋漿會流出來。食完都好飽肚。手工滷肉雞扒便當 $69雞扒份量很足料大份，看賣相已經很吸引，流唒口水。雞扒肉好嫩滑香口。滷肉好食。炸粉味道及厚度也適中。我同朋友一人一半至食得哂。小食：花枝丸5粒配麻辣鬼椒粉 （跟餐加$28）及台式香腸 （跟餐加$28）台式香腸，味道正常發揮，入面油脂好香。花枝丸賣相靚仔，大粒又好彈牙，整得幾好食🤩。呢間下次可以再嚟試試佢啲招牌蛋餅。