亞來麵檔

Open Now

Now Closed

今日返半day, 收工返到上水見肚餓就搵間嘢醫下肚啦，其實我呢d喺上水大嘅人要搵間好食嘅食市真係好難，因為太熟悉呢帶嘅食市水準，來來去去都係得一兩間啱口味，加上藥妝店林立，要搵間好食嘅更難上加難.......當我諗住疊埋心水食我嘅至愛 "珍苑" 嘅時候路經新成路見到呢間新開車仔麵，心想竟然咁大膽喺上水咁貴舖租嘅地方開車仔麵，咁不如試下啦，淨係佢哋呢份膽量都值得支持啦…入到去見d裝修走懷舊feel，見到餐牌有飯有麵，我就叫碗車仔麵.....腩片, 芝士睇, 雞翼尖, 大腸.......最驚喜係有響鈴點喎，油麵加沙爹湯底(感覺好打邊爐囉)....食物水準我覺得好食，可以再嚟.....等嘢食嘅時候，我多口問老闆開咗檔幾耐，佢話兩個月.....我同佢講: 你好大膽，夠膽喺上水開食市，佢答我飲食業有得做，有心就有得做........呢d咪誠意囉！