敏華冰廳 (荷里活廣場)

Open Now

Now Closed

荷李活廣場終於有港式茶餐廳喇！今日朝早十點幾去到要排隊，等左五分鐘左右可以入卡位。宜家有紙板隔住，感覺衛生一啲。敏華冰廳食物種類嘅選擇唔多，所以冇乜新鮮感。沙茶牛肉公仔麵配炒滑蛋及歐式軟多士$38- 家人食公仔麵，我就轉米粉。沙茶牛肉味道幾香，食落口感軟腍，略嫌份量較少，米粉爽口。炒蛋好滑，應該落咗唔少油去炒，我鍾意食呢度嘅多士，因為佢夠厚同埋軟熟。馬來三叔公咖吔多士$18- 超級邪惡！將一塊多士分成四份，每份夾左一大舊牛油，搞到我哋要特登整走佢，因為食得太多油始終對身體唔好。咖吔醬味道淡，唔特別。酥皮鮮奶蛋白撻$10- 因爲唔係新鮮出爐先叫佢，所以蛋白撻暖暖地，感覺普普通通，鮮奶蛋白味道淡淡地唔太突出，酥皮有啲油膩。總括而言，食物質素普通，如果做到好似小區嘅茶餐廳咁就好喇。