Video
Read full review
2022-02-24
599 views
平時成日食日本菜同燒肉，今日一於食好少食嘅福建菜，係好多年前黎過一次嘅莆田，餐牌話係米芝蓮推介。疫情期間平日一點幾到，完全唔洗等位。先上一碟酸辣醬，沾海蠣煎食好味，都幾辣架。茶係菊花茶。餐牌花多眼亂，好厚又有相又有詳細介紹。一坐低先叫左呢個$209兩道嘅莆田鮮海蠣。揀左辣子鮮海蠣同福建特色海蠣煎。另外仲有5款揀。福建特色海蠣煎 福建特色海蠣煎正價$119。海蠣煎一大底，切開左4大份。基本上係蠔仔煎蛋，加左好多蔥一齊煎。蠔仔冇乜蠔味，不過唔會好似台式蠔仔煎咁太多粉。我覺得冇特別。辣子鮮海蠣 辣子鮮海蠣正價$129。海蠣嘅炸皮都脆，不過幾油，又係冇乜蠔味，食落味道帶少少辣，好多蠔都係勁細粒。伴有好多辣椒。個人覺得呢兩道菜式只係麻麻哋。另外叫左兩個莆田午市頭等餐，$198兩個人，價錢相宜，仲包茶錢。喺荔枝肉餐同黃花魚餐當中揀左黃花魚餐。黃花魚餐包水晶豬蹄凍，百秒黃花魚，酥炒芋芯，莆田主食3揀一，同莆田甜品。水晶豬蹄凍水晶豬蹄凍一客8件，不過奇怪哋唔太實，一夾就散，又冇乜豬蹄味，主要係啫喱味。上面加啲醬汁同一條香莤。質感好差。百秒黃花魚百秒黃花魚係一條中型原條黃花魚，用清湯加薑蔥蒸熟，只需10
先上一碟酸辣醬，沾海蠣煎食好味，都幾辣架。茶係菊花茶。
餐牌花多眼亂，好厚又有相又有詳細介紹。
一坐低先叫左呢個$209兩道嘅莆田鮮海蠣。揀左辣子鮮海蠣同福建特色海蠣煎。另外仲有5款揀。
福建特色海蠣煎
25 views
0 likes
0 comments
福建特色海蠣煎
福建特色海蠣煎正價$119。海蠣煎一大底，切開左4大份。基本上係蠔仔煎蛋，加左好多蔥一齊煎。蠔仔冇乜蠔味，不過唔會好似台式蠔仔煎咁太多粉。我覺得冇特別。
辣子鮮海蠣
24 views
0 likes
0 comments
辣子鮮海蠣
辣子鮮海蠣正價$129。海蠣嘅炸皮都脆，不過幾油，又係冇乜蠔味，食落味道帶少少辣，好多蠔都係勁細粒。伴有好多辣椒。
個人覺得呢兩道菜式只係麻麻哋。
另外叫左兩個莆田午市頭等餐，$198兩個人，價錢相宜，仲包茶錢。
喺荔枝肉餐同黃花魚餐當中揀左黃花魚餐。黃花魚餐包水晶豬蹄凍，百秒黃花魚，酥炒芋芯，莆田主食3揀一，同莆田甜品。
水晶豬蹄凍
19 views
1 likes
0 comments
水晶豬蹄凍
水晶豬蹄凍一客8件，不過奇怪哋唔太實，一夾就散，又冇乜豬蹄味，主要係啫喱味。上面加啲醬汁同一條香莤。質感好差。
百秒黃花魚
20 views
1 likes
0 comments
百秒黃花魚
百秒黃花魚係一條中型原條黃花魚，用清湯加薑蔥蒸熟，只需100秒就蒸好，用陶瓷鍋上枱保持温度。黃花魚肉質非常嫩，當然骨多要小心。個湯好清，可以飲哂。
酥炒芋芯
33 views
0 likes
0 comments
酥炒芋芯
酥炒芋芯
29 views
0 likes
0 comments
酥炒芋芯一客11件，伴有少少洋蔥同香蔥。酥炒芋芯外皮甜甜哋，少少脆同痴牙，入面好粉，好重澱粉質。
紅菇海鮮滷麵
20 views
0 likes
0 comments
紅菇海鮮滷麵
紅菇海鮮滷麵
25 views
0 likes
0 comments
莆田主食3揀一，我哋揀左紅菇海鮮滷麵，另外仲有興化炒米粉，同漁民紫菜燜飯揀。紅菇海鮮滷麵大大鍋上枱，不過份量唔算太多。個湯呈淺紅色，味道唔太特別。滷麵係幼身滑溜白色麵，都唔錯。係就係配料差啲。海鮮有好硬嘅蟶乾，超迷你蜆仔，一隻去唔哂殼嘅鮮蝦，超迷你帶子粒，另外仲有少少豬腩肉片，紅菇，小棠菜，娃娃菜，冬菇片，豆卜。海鮮配料質素就好麻麻。
莆田甜品
15 views
0 likes
0 comments
莆田甜品
莆田甜品係花生糖水，我真係第一次食。入面有4粒芋圓同好多花生，味道少甜，芋圓腍中帶少少煙韌，唔錯。
總括而言，食物有好有唔好，不過午餐真係抵食，可以一試。二人可坐四人卡位，座位舒適。服務員態度友善好客，係漏左前菜要追先臨尾上返呢吓差啲。
Post
