莆田 (Closed)

今天同朋友2個人經過屯門附近見到有一間莆田，剛好佢嘅客人係lee個Moment仲唔算好多，決定入嚟試下味；閩菜味道比粵菜要稍微清淡一些，可能因為福建靠近臨海，佢哋食海鮮嘅地方都鐘意注重菜式嘅鮮味而唔係追求調味嘅喇！講返我哋點嘅菜先，我哋點咗原味鹵豆腐，莆田扁肉湯，莆田鹵麵，酥炒芋頭，蝦苗拌頭水紫菜。雖然睇落齋齋地，但係價錢都唔低咖，等我哋嚟睇下佢究竟貴係邊先，首先介紹下我哋點嘅蝦苗拌頭水紫菜，食落有d酸酸嫩滑嘅感覺，原因係佢哋會加d醋入去拌下，提高一下菜式嘅口味。再講下個豆腐啦，表面白雪雪好似就得一堆豆腐咁，其實入面有好多料咖，食得出來嚟就有冬菇喇、亁貝喇、粉絲喇等等，真係豐富到你唔信；扁肉湯同鹵面都係同豆腐差唔多，表面齋齋地，食落又有驚喜，面食好有嚼頭，湯底加咗醋比較開胃，唔怕食濟～至于芋頭炒得真係又蘇又糥，可以當甜品咁食了，口感好正，份量又足，HK就有正宗口味嘅閩菜唔使自己大老遠走去福建食一餐，真係值返個回票價喇。