Video
Read full review
2020-05-17
655 views
剛才我係首爾餐廳揸住頭位飛等三個位足足 35 分鐘！睇住四五枱兩個入膠晒都唔比我，老闆您有無心做架，火都黎！見巴辣仔有位即轉場，行緊走先叫住我，啋您都傻﹗新產品江團魚，什麼來頭啊？梗係要試試。兩日返唔到公司要請假，兩日由朝碌社運新聞視頻碌到晚再碌天光，精神崩潰！點都要出街透透氣，見見朋友圍圍爐，食下勁辣飲下啤酒減減壓。新入職位美少女侍應好標緻可愛喎。坐滿食客，仲有棒場客等位，生意興隆，恭喜發財！邊個話無人出街無人打邊爐？注意衛生加強抗炎，香港人加油！師傅親自到廳面招呼，受寵若驚辛苦晒！泡椒雞腳，濃咸中帶點辣，皮滑筋脆食得過癮！涼拌豬爽耳中辣，馬馬虎虎將汁淋面就出貨，全部豬耳膠質黏在一起，成塊豬耳餅上檯？完全無撈過無拌過，自己撕開再動手撈勻吧，夠辣無麻有澀味。炸腐皮蝦卷，師傅大大力推介新作品！捲得實淨塞得滿滿，新鮮出爐熱力四射，炸得金黃鬆脆！蝦餃鮮甜彈牙，肉汁豐富，乾與濕的反差別有風味！炸鮮蝦雲吞，從來未遇過炸得圓碌碌乒乓波一樣，不是普遍張牙舞爪的炸雲吞，賣相可愛，師傅真有心。多間食肆炸後濃縮會過咸，但眼前蝦波波完全無此問題，直接入口不用點醬，香口脆脆甜美可愛。小辣香辣味烤原條深海大斑，
新產品江團魚，什麼來頭啊？梗係要試試。兩日返唔到公司要請假，兩日由朝碌社運新聞視頻碌到晚再碌天光，精神崩潰！點都要出街透透氣，見見朋友圍圍爐，食下勁辣飲下啤酒減減壓。新入職位美少女侍應好標緻可愛喎。坐滿食客，仲有棒場客等位，生意興隆，恭喜發財！邊個話無人出街無人打邊爐？注意衛生加強抗炎，香港人加油！師傅親自到廳面招呼，受寵若驚辛苦晒！
泡椒雞腳，濃咸中帶點辣，皮滑筋脆食得過癮！涼拌豬爽耳中辣，馬馬虎虎將汁淋面就出貨，全部豬耳膠質黏在一起，成塊豬耳餅上檯？完全無撈過無拌過，自己撕開再動手撈勻吧，夠辣無麻有澀味。炸腐皮蝦卷，師傅大大力推介新作品！捲得實淨塞得滿滿，新鮮出爐熱力四射，炸得金黃鬆脆！蝦餃鮮甜彈牙，肉汁豐富，乾與濕的反差別有風味！
炸鮮蝦雲吞，從來未遇過炸得圓碌碌乒乓波一樣，不是普遍張牙舞爪的炸雲吞，賣相可愛，師傅真有心。多間食肆炸後濃縮會過咸，但眼前蝦波波完全無此問題，直接入口不用點醬，香口脆脆甜美可愛。
小辣香辣味烤原條深海大斑，薯仔、萵筍、金菇、蘿蔔。巨型海魚厚厚實實，夾起大大舊靚肉黐著魚皮帶著辣汁享用，鮮魚汁與香辣味火花暴走！美味無可挑剔！
中辣香辣味烤原條江團魚，金菇、豆卜、萵筍片。上網進修一下什麼是江團魚，高蛋白、脂肪含量低、滋補佳品！整條魚都係寶。狂食豆卜、金菇、萵筍、紫洋蔥，吸盡辣湯辣油刺激奔放！菊花盛放的秋季，已有心理準備嘆完美味辣鍋後，火燒後欄爆菊在所難免！江團魚極度厚肉，用筷子也不輕易地撕開，肉多骨少無細骨，啖啖都係肉，真的誇張啊﹗半煎炸外層甘香，估不到超級結實彈牙，魚汁味鮮甜，混著辣湯享用，絕對的優質生活！
中辣酸菜味烤原條江團魚，萵筍、豆腐卜、鮮腐竹、金菇，狂食伴菜都飽左半！ 酸辣兼備非常醒神，用酸菜捲著大大舊厚厚魚肉享用，更加滋味更加獨特！
香辣花竹蝦膏蟹煲，乾鍋香氣強襲！辣椒香辣醬汁共鳴昇華，索一索舒筋活絡，聞一聞精精爽利！立即開動。深橙色溏心蟹膏，濕潤寶石閃閃發光，結實甘甜！焗過的蟹肉特別鬆軟，泛著蟹鮮，還有陣陣薯仔甜味加辣辣惹味。粉甜薯仔底炒得香辣吸盡精華，估不到的驚喜。巨型花竹蝦看得見粗粗蝦腸沒有挑走，不過極度新鮮黐殼爆肉，爽甜無比大聲叫好！狠狠咬落蝦頭，大量甘甜蝦膏射出，滋潤雙唇。
鴨血厚切，師傅突然即興來個厚切，從來未試過！太厚未能原全吸收湯汁，沒有入口爆汁的感覺，味淡偏硬。如厚度適中，耐心等候慢慢浸煮，讓辣湯進入其體內，讓她變得多汁軟滑，美味無機會投訴。
鴨血薄切，專登要求師傅要薄切，因為前幾次都太厚唔夠滑唔夠入味呢！通常食肆切完就成舊出，真係特別服務！連擺盤都特別靚，多謝師傅親自操刀。薄薄吸盡辣湯，滑滑跣入一咬爆汁，辣味搭鮮味，高溫品嚐不得不讚！
牛骨髓，沒怎樣的味道，嚥嚥韌韌不喜歡，食兩條放棄。雞子，沒有本地鮮雞子，就算雪藏火雞子都照殺。洗到爛晒非常差，烚完縮水肉汁全部流失，乾爭爭無酒味邊好食架！鮮鵝腸，我心裡的畫面不是這個樣子的，幸好夠爽甜無令我失望！炸魚皮，通晒風半腍狀態，不過我一向要浸到半腍微暖滑潺潺吸晒湯先食，影響不大。
蔬菜籃，百鳥歸巢，油麥菜、冬瓜、粟米、番茄、娃娃菜，全部新鮮甜美可口，得得得。秀珍菇，瘦身菇？天然菇香清甜，爽爽索湯。萵筍片，爽食似竹筍，腍食似節瓜，各具特色同樣甜美！手切牛頸脊，不夠嫩不夠滑不夠甜，質素平平唔難食，急急一鑊熟求其處理掉。手切安格斯肥牛，比牛頸脊還要低一點點，淡牛味少少滑，過過口癮可接受。
美國桶蠔，千叮萬囑師傅比細蠔不要大蠔，眼見呎吋還可接受，越大越淡越老越起渣。烚耐一點縮多一點點，讓蠔味濃縮一點，讓質地結實一點。咬落彈彈，蠔肚水潤飽滿，裙邊帶子位吐掉。牛柏葉，索汁一流！加倍留意 10 秒即起，保持爽彈不硬。
水魷魚，竟然還有魷魚味，魷魚鬚脆彈震騰騰，魷魚身嚥韌滑滑。鮮蝦雲吞，大大粒肉甜蝦鮮包得實在，味道溫和。鮮蝦水餃，跟雲吞差不多的餡料，加入脆卜卜木耳點聚，味道不相伯仲的美妙。
即開流浮山石蠔，雖然開得不太理想，但誠意可加。最愛新鮮石蠔，漬新鮮甜味不是罐頭桶蠔可比！喜歡烚耐一點，味道更濃縮一點，咬落結實中帶嫩滑，爆汁肥美。石蠔苦主咸晒口扭曲的臉孔，非常搞笑！珍寶扇貝，洗得唔夠徹底，有泥有沙有污物，照食可也烚熟一點再用辣湯沖乾淨，保存不夠新鮮，有少少腥臭味。
本地新鮮雞珍，鮮雞心雞腎雞腸雞膶，彈滑綿鮮無可置疑，頂級無從扣分。新鮮本地雞子，新鮮就是無得輸，蛋甜味濃郁，綿綿充滿肉汁。珍寶狗肚魚，首次遇上這麼大條狗肚魚，極濕嫩滑鮮甜帶辣，啜啜啜非常過癮。日本廣島蠔，始終都係有少少腥，烚耐一點都幫助不大，味濃夠肥美。蟹子墨魚滑，外型似籮友夠癢眼，但超級多粉！咸咸地滑潺潺硬硬的。爆漿瀨尿牛丸，外購貨師傅也不知道裡面釀的是什麼，匪夷所思。似鯪魚球味亦似蝦味，但唔不似瀨尿蝦肉，有點蔥味有點魚味。
小辣肥腸辣子雞鍋，稍候片刻吱吱渣渣熱熱送到！雞件碎上炸得不太香脆，沾滿微甜微辣醬汁，沒醃過的雞肉，味道只在外不在內，不過不失。肥腸炸得通透只得腸皮，薄薄香脆。豬膶肥腸辣子雞炒手打烏冬，自己即興下廚炒豬膶手打烏冬！肥腸辣子雞湯出前一丁，煮耐少少，讓麵條吸盡精華！濕滑的麵條彈牙，盡情大力吸啜連湯帶汁收進嘴仔，每啖爆汁香辣味濃，百味交錯。
炸腐皮蝦卷
11 views
1 likes
0 comments
炸鮮蝦雲吞
6 views
1 likes
0 comments
炸鮮蝦雲吞
11 views
1 likes
0 comments
小辣香辣味烤原條江團魚
5 views
1 likes
0 comments
小辣香辣味烤原條江團魚
10 views
1 likes
0 comments
小辣香辣味烤原條江團魚
9 views
1 likes
0 comments
中辣酸菜味烤原條江團魚
5 views
1 likes
0 comments
中辣酸菜味烤原條江團魚
5 views
1 likes
0 comments
手切牛頸脊、手切安格斯肥牛
17 views
1 likes
0 comments
牛骨髓
2 views
1 likes
0 comments
豬膶
11 views
1 likes
0 comments
本地新鮮雞珍：鮮雞心、雞腎、雞腸、雞膶 ( 預訂 )
4 views
1 likes
0 comments
新鮮本地雞子 ( 預訂 )
14 views
1 likes
0 comments
爆漿瀨尿牛丸
5 views
1 likes
0 comments
爆漿瀨尿牛丸
3 views
1 likes
0 comments
鮮鵝腸
6 views
1 likes
0 comments
鴨血薄切
4 views
1 likes
0 comments
珍寶扇貝 ( 預訂 )
2 views
1 likes
0 comments
珍寶狗肚魚 ( 預訂 )
4 views
1 likes
0 comments
美國桶蠔
2 views
1 likes
0 comments
即開流浮山石蠔 ( 預訂 )
5 views
1 likes
0 comments
即開流浮山石蠔 ( 預訂 )
3 views
1 likes
0 comments
即開流浮山石蠔 ( 預訂 )
10 views
1 likes
0 comments
香辣花竹蝦膏蟹煲 ( 預訂 )
12 views
1 likes
0 comments
小辣肥腸辣子雞鍋
18 views
1 likes
0 comments
豬膶肥腸辣子雞炒手打烏冬
10 views
1 likes
0 comments
豬膶肥腸辣子雞炒手打烏冬
9 views
1 likes
0 comments
肥腸辣子雞湯出前一丁
9 views
1 likes
0 comments
肥腸辣子雞湯出前一丁
12 views
1 likes
0 comments
Post
