euro go go

Open Now

Now Closed

年三十早上，同朋友去元朗行山，行山前首要任務係醫飽個肚先！殊不知大部分餐廳已經收爐，我地左撲右撲先搵到位於元朗廣場嘅euro go go，驟眼睇門外嘅餐牌都幾吸引，於是我地決定食呢間。排咗大約十分鐘之後就可以入座，我地一行二人被安排坐喺一張窄窄嘅二人枱，張枱窄到放兩個餐都有啲困難，如果大動作啲一定好易倒瀉野。我地各嗌咗一個早餐C：火腿香腸鮮茄濃通粉配熱脆牛角包，跟一杯熱飲，盛惠$48。本身睇佢個餐牌，以為碟通粉會好大碟，點知碗口甚淺、份量極少；惟一嘅安慰係牛角包夠大件脆口，但整體嚟講仍然係偏貴，性價比低，用一句成語嚟概括：華而不實。