貓之茶房 (弼街)

Open Now

Now Closed

落雨天，同小朋友去邊度玩好？位於旺角嘅貓之茶房，茶房以木系色調為主，加上透明玻璃窗，採光度十足，有種小清新感覺，環境舒適。進入茶房之前，先聽職員講解對待貓貓嘅規則，無問題嘅話就可以換鞋同消毒雙手入去，茶房提供一次性拖鞋替換。職員安排我哋嘅位置，我哋可以坐喺榻榻米上，同貓貓們互動。貓貓喺茶房自由走動，任摸任影唔嬲，如果想吸引多啲貓貓留喺你身邊，可以向店內買半份/一份零食餵貓貓。茶房仲提供咗唔同嘅桌遊俾大家借嚟玩，想搵地方放鬆可以嚟呢度玩下。