Boring?! (新都會廣場) (Moved) New Location

要食西餐去到葵芳我一定係黎呢間餐廳，服務好坐得舒服又好食。餐廳dinner好抵食，好多種類同好多配搭選擇，而且價錢一d都唔貴，人均都係百幾蚊。香草牛油汁伴本菇燒春雞，個汁調得好香，雞肉沾一沾醬汁加左d清新感，雞肉又唔乾，仲有香口薯角伴碟添。日本蟹膏意大利飯，賣相得睇，飯身濕潤入味，好香蟹味，仲有蟹肉蟹籽舖面，反轉個蟹殼仲見到好多蟹膏喺殼度。非常惹味嘅墨西哥脆薯格，每次黎都會order，墨西哥辣椒、番茄絲、仲有牛油果醬同酸忌廉，令薯格惹味香辣沾醬又帶點中和味道，係十分味道豐富嘅小食。坊間特飲通常都好貴，呢度特飲好飲亦只需套餐加$12，青檸梳打開胃冰涼，我就最鍾意飲少有嘅蜜瓜乳酪奶昔，入口厚厚嘅口感，香濃蜜八味令味道留喺口腔好耐。